മുഖ്യമന്ത്രി പിണറായി വിജയൻ മുത്തച്ഛനെപ്പോലെയാകണമെന്ന് കുട്ടികൾ പറയുന്നവെന്ന് മന്ത്രി ആർ ബിന്ദു. മാധ്യമങ്ങൾക്ക് മുന്നിൽ വളരെ ജനപ്രിയമായാണ് മുഖ്യമന്ത്രിയെ അവർക്ക് കാണാൻ കഴിയുന്നത്.അവരുടെ ഉറ്റ സുഹൃത്തിനെപ്പോലെയാണെന്ന് മന്ത്രി പറഞ്ഞു.
നവകേരള സദസ്സിന് സ്കൂൾ വിദ്യാർഥികളെ നിർബന്ധിച്ച് പങ്കെടുപ്പിക്കുന്നില്ലെന്നും
മുഖ്യമന്ത്രിയും മന്ത്രിമാരും പങ്കെടുക്കുന്ന ചടങ്ങിൽ പങ്കെടുക്കാൻ വിദ്യാർത്തികൾക്ക് താൽപര്യം ഉണ്ടാകുമെന്നും മന്ത്രി പറഞ്ഞു. നവകേരള സദസ്സിൽ വിദ്യാർഥികളെ പങ്കെടുപ്പിക്കുന്നതിനെതിരെ ഹൈക്കോടതി നിലപാട് കടുപ്പിച്ച സാഹചര്യത്തിലാണ് മന്ത്രിയുടെ പ്രതികരണം. കുട്ടികളെ നവകേരള സദസിൽ കൊണ്ടുവരുന്നതിനെ നേരത്തെ തന്നെ ഹൈക്കോടതി വിലക്കിയിരുന്നു.
ഇത് അവഗണിച്ച് വീണ്ടും വിദ്യാർത്തികളെ പങ്കെടുപ്പിച്ചതാണ് കോടതിയെ പ്രകോപിപ്പിച്ചത്. കോടതി ഉത്തരവുണ്ടായിട്ടും വിദ്യാർഥികളെ പങ്കെടുപ്പിച്ചത് ഗൗരവതരമാണെന്ന് ജസ്റ്റിസ് ദേവൻ രാമചന്ദ്രൻ പറഞ്ഞു. കുത്തിവെക്കേണ്ടെന്നും സർക്കാർ സ്വീകരിച്ച തുടർനടപടികൾ ഒരാഴ്ചക്കുള്ളിൽ അറിയിക്കണമെന്നും കോടതി.