കേരളത്തിലെ ജനങ്ങളാകെ എല്ഡിഎഫിന് മൂന്നാമൂഴം വേണമെന്ന് ആഗ്രഹിക്കുന്നവരാണെന്ന് നിലമ്പൂര് ഉപതിരഞ്ഞെടുപ്പിലെ സിപിഎം സ്ഥാനാര്ത്ഥി എം സ്വരാജ്. എല്ഡിഎഫിനെ ചില കാരണങ്ങളാല് എതിര്ക്കുന്നവര്ക്കും ഉള്ളിന്റെയുള്ളില് ആ ആഗ്രഹമുണ്ടെന്നും സ്വരാജ് പറഞ്ഞു. എല്ഡിഎഫ് സര്ക്കാരിന്റെ തുടര്ഭരണത്തിനുള്ള ചവിട്ടുപടിയാണ് നിലമ്പൂര് ഉപതിരഞ്ഞെടുപ്പെന്നും സ്വരാജ് കൂട്ടിച്ചേര്ത്തു.
പലകുറി ഇടതുപക്ഷം വിജയിച്ച മണ്ഡലമാണ് നിലമ്പൂര്. എല്ഡിഎഫ് പോരാട്ടം എല്ലാ ഇടതുപക്ഷവിരുദ്ധ ശക്തികള്ക്കും എതിരെയാണ്. അടുത്ത നിയമസഭാ തിരഞ്ഞെടുപ്പിനും തദ്ദേശ തിരഞ്ഞെടുപ്പിനും മുന്പുള്ള ഒരേയൊരു ഉപതിരഞ്ഞെടുപ്പാണിത്. ഇനിയൊരു ഉപതിരഞ്ഞെടുപ്പിന് സാധ്യതയില്ലെന്നും സ്വരാജ് പറഞ്ഞു.
പിവി അന്വര് മത്സരിച്ചാലും ഇല്ലെങ്കിലും തങ്ങളുടെ തിരഞ്ഞെടുപ്പ് പ്രവര്ത്തനങ്ങളെ ബാധിക്കില്ല. മത്സരരംഗത്തേക്ക് കടന്നുവരുന്നവര്ക്കെല്ലാം സ്വാഗതം. പാര്ട്ടിയുടെ നടപടിക്രമങ്ങളും രീതികളും അനുസരിച്ചാണ് സ്ഥാനാര്ത്ഥിയെ പ്രഖ്യാപിച്ചത്. തന്നെ സ്ഥാനാര്ഥിയാക്കിയുള്ള പാര്ട്ടിയുടെ തീരുമാനത്തിനു പിന്നില് ഒരുപാട് ഘടകങ്ങളുണ്ടാവാം. അതിനെ സംബന്ധിച്ച് താന് വിശദീകരിക്കുന്നത് ഉചിതമല്ലെന്നും സ്വരാജ് കൂട്ടിച്ചേര്ത്തു.