ഗവര്‍ണര്‍ ആരിഫ് മുഹമ്മദ് ഖാനെതിരെ സി.പി.എം നേതാവ് എം.വി ഗോവിന്ദന്‍ മാസ്റ്റര്‍. ഗവര്‍ണറുടേത് തരംതാണ നിലപാടാണെന്നും തെറ്റ് തിരുത്തിയില്ലെങ്കില്‍ ജനങ്ങള്‍ നേര്‍വഴിക്ക് നടത്തുമെന്നും ഗോവിന്ദന്‍ മാസ്റ്റര്‍ പറഞ്ഞു.
ഗവര്‍ണര്‍ ആര്‍.എസ്.എസിന്റെ ചട്ടുകമായാണ് പ്രവര്‍ത്തിക്കുന്നത്. ഭരണഘടനാപരമായ നിലപാട് ഉയര്‍ത്തിപ്പിടിക്കേണ്ടതിനു പകരം, രാജ്യവ്യാപകമായി അദ്ദേഹം സര്‍ക്കാരിനെതിരെ പ്രസംഗം നടത്തിക്കൊണ്ടിരിക്കുന്നു. അത് മാറ്റണം. അങ്ങനെ ഉയര്‍ത്തിപ്പിടിച്ചില്ലെങ്കില്‍ ജനങ്ങളുടെ പോരാട്ടത്തിലൂടെ നേര്‍വഴിക്ക് നടത്താന്‍ ഞങ്ങള്‍ക്ക് ആകുമെന്ന് മാത്രം പറയുന്നു. ഗോവിന്ദന്‍ മാസ്റ്റര്‍ പറഞ്ഞു.
തരംതാണ നിലപാടാണ് ഗവര്‍ണര്‍ സ്വീകരിക്കുന്നത്. അത് തിരുത്തണം. ജനാധിപത്യവും ഭരണഘടനാപരമായ നിലപാട് ഉയര്‍ത്തിപ്പിടിക്കാന്‍ ഗവര്‍ണര്‍ക്ക് ബാദ്ധ്യതയുണ്ടെന്നും അദ്ദേഹം പറഞ്ഞു. ശരിയായ വഴിക്ക് പോയില്ലെങ്കില്‍ നേര്‍വഴിക്ക് നടത്താന്‍ തങ്ങള്‍ക്കാകുമെന്ന് മാത്രമാണ് ഇപ്പോള്‍ പറയുന്നത്” അദ്ദേഹം പറഞ്ഞു.