പിണറായി വിജയനും മരുമകനും പ്രതിപക്ഷ നേതാവ് ആരാകുമെന്ന ചർച്ച നടത്തട്ടെയെന്ന് പി. വി. അൻവർ. കോൺഗ്രസിൽ മുഖ്യമന്ത്രിയായി പരിഗണിക്കാൻ നിരവധി പേരുകളുണ്ടെന്നും അദ്ദേഹം പറഞ്ഞു. പാലക്കാട് മാധ്യമങ്ങളോട് സംസാരിക്കുകയായിരുന്നു അദ്ദേഹം.
കോൺഗ്രസിൽ മുഖ്യമന്ത്രിയായി പരിഗണിക്കാൻ നിരവധി പേരുകളുണ്ടെന്നും കെ. സി. വേണുഗോപാൽ, വി. ഡി. സതീശൻ, രമേശ് ചെന്നിത്തല എന്നിവർ തനിക്ക് ഒരുപോലെ വേണ്ടപ്പെട്ടവരാണെന്നും അൻവർ പറഞ്ഞു. എന്നാൽ സിപിഐഎമ്മിലെ അവസ്ഥ അങ്ങനെയല്ല പിണറായി വിജയനാണോ മരുമകനാണോ പ്രതിപക്ഷ നേതാവാകുന്നതെന്ന ചർച്ച അവർ നടത്തട്ടേയെന്നും അൻവർ പറഞ്ഞു.
ധർമ്മടത്ത് പിണറായി തോറ്റാൽ അത്ഭുതപ്പെടാനില്ലെന്നും ജയിച്ചാൽ തന്നെ പതിനായിരം വോട്ടുകളിൽ താഴെ മാത്രമേ ഭൂരിപക്ഷം ലഭിക്കുകയുള്ളു. അതേസമയം ബേപ്പൂരിൽ പി എ മുഹമ്മദ് റിയാസ് എന്നേ തോറ്റു കഴിഞ്ഞെന്നും അദ്ദേഹം അവകാശപ്പെട്ടു.