കണ്ണൂരില് മട്ടന്നൂര് നഗരസഭാ ഭരണം നിലനിര്ത്തി എല്ഡിഎഫ്. 35 വാര്ഡുകളില് 21 സീറ്റ് നേടിയാണ് എല്ഡിഎഫ് ഭരണം നിലനിര്ത്തിയത്. കടുത്ത പോരാട്ടം നടന്ന തിരഞ്ഞെടുപ്പില് യുഡിഎഫിന് അപ്രതീക്ഷിത മുന്നേറ്റമാണ് ഉണ്ടായത്. 14 സീറ്റുകളില് യുഡിഎഫ് വിജയം നേടി. ബിജെപിക്ക് ഒരു വാര്ഡും ലഭിച്ചില്ല.
എല്ഡിഎഫിന്റെ എട്ടു വാര്ഡുകള് യുഡിഎഫ് പിടിച്ചെടുത്തു. യുഡിഎഫിന്റെ ഒരു വാര്ഡ് എല്ഡിഎഫും പിടിച്ചെടുത്തു. ആറാം തവണയാണ് എല്ഡിഎഫ് നഗരസഭ ഭരിക്കുന്നത്. കഴിഞ്ഞ തവണ എല്ഡിഎഫ് 28 സീറ്റുകളും യുഡിഎഫ് ഴും സീറ്റുകളുമാണ് നേടിയിരുന്നത്.
കീച്ചേരി, കല്ലൂര്, മുണ്ടയോട്, പെരുവയല്ക്കരി, കായലൂര്, കോളാരി, പരിയാരം, അയ്യല്ലൂര്, ഇടവേലിക്കല്, പഴശ്ശി, ഉരുവച്ചാല്, കരേറ്റ, കുഴിക്കല്, കയനി, ദേവര്ക്കാട്, കാര, നെല്ലൂന്നി, മലക്കുതാഴെ, എയര്പോര്ട്ട്, ഉത്തിയൂര്, നാലാങ്കേരി എന്നിവിടങ്ങളിലാണ് എല്ഡിഎഫ് വിജയം നേടിയത്.
മണ്ണൂര്, പൊറോറ, ഏളന്നൂര്, ആണിക്കരി, കളറോഡ്, ബേരം, പെരിഞ്ചേരി, ഇല്ലംഭാഗം, മട്ടന്നൂര്, ടൗണ്, മരുതായി, മേറ്റടി, മിനിനഗര്, പാലോട്ടുപള്ളി എന്നിവിടങ്ങളിലാണ് യുഡിഎഫ് വിജയിച്ചത്. നിലവിലെ നഗരസഭകൗണ്സിലിന്റെ കാലാവധി സെപ്റ്റംബര് 10 ന് അവസാനിക്കും. പുതിയ കൗണ്സിലര്മാരുടെ സത്യപ്രതിജ്ഞ സെപ്റ്റംബര് 11 ന് നടക്കും.