സംസ്ഥാനത്ത് ഓണ്ലൈന് ടാക്സി ഡ്രൈവര്മാര് പ്രഖ്യാപിച്ച പണിമുടക്ക് ആരംഭിച്ചു. യുബര് അടക്കമുള്ള കുത്തക കമ്പനികളുടെ തൊഴില് ചൂഷണത്തിനെതിരെയാണ് ഡ്രൈവര്മാര് ഇന്നു പണിമുടക്ക് പ്രഖ്യാപിച്ചിരിക്കുന്നത്.
സംയുക്ത സംഘടനയായ ഓണ്ലൈന് ടാക്സി കമ്യൂണിറ്റിയുടെ നേതൃത്വത്തിലാണ് സമരം. വൈകുന്നേരം ആറുവരെയാണ് പണിമുടക്ക്. വിവിധ യൂണിയനുകള് സംയുക്തമായാണ് പണിമുടക്ക് നടത്തുന്നത്. സി.ഐ.ടി.യു, എ.ഐ.ടി.യു.സി തുടങ്ങിയ യൂണിയനുകള് സമരത്തിന് പിന്തുണ നല്കും.
സമരം ഏറ്റവും കൂടുതല് ബാധിക്കുക കൊച്ചി നഗരത്തെ തന്നെയായിരിക്കും. ഇന്ന് രാവിലെ പത്ത് മണിയോടുകൂടി ഓണ്ലൈന് ടാക്സി ഡ്രൈവര്മാര് എറണാകുളം കലക്ടറേറ്റിലേക്ക് മാര്ച്ച് നയിക്കും. കോഴിക്കോട്, തിരുവനന്തപുരം ജില്ലകളിലെ ഡ്രൈവര്മാരും സമരത്തിന് ഐക്യദാര്ഡ്യം പ്രഖ്യാപിച്ചിട്ടുണ്ട്.