രാജ്യസഭാ തെരഞ്ഞെടുപ്പ് സീറ്റുമായി ബന്ധപ്പെട്ട വിവാദങ്ങളില്‍ ശ്രേയാംസ്കുമാറിനെ തള്ളി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. വിലപേശി സീറ്റ് വാങ്ങുന്ന കക്ഷിയല്ല സിപിഐ എന്നാണ് സിപിഎം സംസ്ഥാന സെക്രട്ടറിയുടെ വിശദീകരണം. എല്ലാ പാര്‍ട്ടികളും അര്‍ഹപ്പെട്ട സീറ്റ് ആവശ്യപ്പെടുക സ്വാഭാവികമെന്നും ഇത്തവണ സിപിഐയ്ക്ക് സീറ്റ് നല്‍കിയത് കൂട്ടായ തീരുമാനപ്രകാരമെന്നും കൊടിയേരി പറഞ്ഞു.
നേരത്തെ രാജ്യസഭയില്‍ സിറ്റിംഗ് സീറ്റായിരുന്ന ശ്രേയാംസ്കുമാറിനെ മാറ്റി സീറ്റ് സിപിഐയ്ക്ക് നല്‍കിയതിനെതിരെ കോണ്‍ഗ്രസ് അടക്കമുള്ള പാര്‍ട്ടികള്‍ വിമര്‍ശിച്ചിരുന്നു.
കേരളത്തെ നന്ദിഗ്രാം ആകകാനാണ് കോണ്‍ഗ്രസ് ശ്രമമെന്നും കോടിയേരി കുറ്റപ്പെടുത്തി. കെ റെയില്‍ സമരങ്ങളിലൂടെ കേരളത്തില്‍ വെടിവെയ്പ്പുണ്ടാക്കാനാണ് കോണ്‍ഗ്രസ് ശ്രമിക്കുന്നതെന്നും സര്‍ക്കാര്‍ വെറുതെയിരിക്കില്ലെന്നും അദ്ദേഹം പറഞ്ഞു. ഞങ്ങളെ സമരം ചെയ്ത് ഓടിക്കാമെന്ന് ആറും കരുതേണ്ടെന്നും, ഇതിലും വലിയ സമരം കണ്ടവരാണ് ഞങ്ങളെന്നുമുള്ള മുന്നറിയിപ്പും കോടിയേരി നല്‍കി.
