കൊച്ചിക്ക് വേണ്ടി തന്നെ ട്രോളാന് ട്രോളന്മാരെ ക്ഷണിച്ച് ബിജെപി സ്ഥാനാര്ത്ഥി അല്ഫോന്സ് കണ്ണന്താനം. ഫെയ്സ്ബുക്കിലൂടെയാണ് കണ്ണന്താനത്തിന്റെ ആഹ്വാനം. കൊച്ചിയുടെ വികസനത്തെ കുറിച്ചു നല്ല ട്രോളുകള് ഉണ്ടാക്കണമെന്ന് സ്ഥാനാര്ത്ഥി ആവശ്യപ്പെടുന്നു.
തന്നെയും ഒരു കഥാപാത്രമാക്കുന്നതില് വിരോധമില്ല. നല്ല ട്രോളര്മാര്ക്ക് തന്നോടൊപ്പം ഒരു സെല്ഫി എടുക്കാം, ഈ പേജില് ഇടാം തിരഞ്ഞെടുപ്പായതിനാല് മറ്റു വാഗ്ദാനങ്ങളോ സമ്മാനങ്ങളോ ഇപ്പോള് സാധ്യമല്ലെന്നും സ്ഥാനാര്ത്ഥി പറയുന്നു
ഫെയ്സ്ബുക്ക് പോസ്റ്റിന്റെ പൂര്ണരൂപം
മലയാളികള് വളരെ നര്മ്മബോധം ഉള്ളവരാണ്.
എന്ത് സീരിയസ് കാര്യവും നമ്മള് തമാശയാക്കി ആസ്വദിക്കാറുണ്ട്.
നമ്മുടെ യുവാക്കളുടെ പല ട്രോളുകളും കാണുമ്പോള് അത്ഭുതപ്പെടാറുണ്ട്.
എന്തുമാത്രം സര്ഗ്ഗശേഷി ആണ് നമ്മുടെ യുവാക്കള്ക്ക് ഉള്ളത്?
ഇതെങ്ങനെ പോസിറ്റീവ് ആയി ഉപയോഗിക്കാം എന്നും പലപ്പോഴും ചിന്തിച്ചിട്ടുണ്ട്.
എന്തായാലും എന്നെ ട്രോളുന്ന വീരന്മാര്ക്ക് ഒരു കൊച്ചു ചലഞ്ച് – കൊച്ചിയുടെ വികസനത്തെക്കുറിച്ചു നല്ല നല്ല ട്രോളുകള് ഉണ്ടാക്കി ഇവിടെ കമന്റ് ചെയ്യൂ.
നല്ല ട്രോളര്മാര്ക്ക് എന്നോടൊപ്പം ഒരു സെല്ഫി എടുക്കാം, ഈ പേജില് ഇടാം (തെരഞ്ഞെടുപ്പായതിനാല് മറ്റു വാഗ്ദാനങ്ങളോ സമ്മാനങ്ങളോ ഇപ്പോള് സാധ്യമല്ല).
അപ്പൊ ശരി, തുടങ്ങുവല്ലേ?
-എന്നെയും ഒരു കഥാപാത്രമാക്കുന്നതില് വിരോധമില്ല.. എല്ലാം നമ്മുടെ കൊച്ചിക്കുവേണ്ടിയല്ലേ…