ബി.ജെ.പി. സര്‍ക്കാരിന്റെ നിലപാടുകളെ പ്രതിരോധിക്കുന്നതില്‍ ലീഗ് എം.പിമാര്‍ പരാജയം; നേതൃയോഗത്തില്‍ കുഞ്ഞാലിക്കുട്ടിയും കെ.എം ഷാജിയും തമ്മില്‍ വാക് പോര്

മുസ്ലിം ലീഗ് സംസ്ഥാന ഭാരവാഹികളുടെയും എം.പി-എം.എല്‍.എ.മാരുടെയും യോഗത്തില്‍ നേതാക്കള്‍ തമ്മില്‍ വാക്പോര്. ബുധനാഴ്ച ലീഗ് ഹൗസില്‍ ചേര്‍ന്ന യോഗത്തിലാണ് സംഭവം.

ന്യൂനപക്ഷവിരുദ്ധ നയങ്ങളുമായി മുന്നോട്ട് പോവുന്ന ബി.ജെ.പി സര്‍ക്കാറിന്റെ നിലപാടുകളെ പ്രതിരോധിക്കുന്നതില്‍ പാര്‍ലമെന്റ് അംഗങ്ങള്‍ പരാജയമാണെന്ന് ലീഗ് സംസ്ഥാന ഭാരവാഹികളായ കെ.എം.ഷാജി എം.എല്‍.എയും സംസ്ഥാന സെക്രട്ടറി കെ.എസ് ഹംസയും യോഗത്തില്‍ പറഞ്ഞു.

ദേശീയ രംഗത്ത് ന്യൂനപക്ഷ വിഭാഗങ്ങളെ ബാധിക്കുന്ന വിവിധ വിഷയങ്ങളില്‍ എം.പിമാരായ കുഞ്ഞാലിക്കുട്ടിയും ഇ.ടി മുഹമ്മദ് ബഷീറും പി.വി അബ്ദുല്‍ വഹാബും വേണ്ടത്ര ഇടപെടുന്നില്ല എന്ന വിമര്‍ശനമാണ് കെ.എം ഷാജിയും കെ.എസ് ഹംസയും ഉന്നയിച്ചത്.

അസദുദ്ദീന്‍ ഉവൈസിയുടെ അത്രപോലും ലീഗ് അംഗങ്ങള്‍ക്ക് ഇടപെടാന്‍ കഴിയുന്നില്ല എന്നും എന്‍.ഡി.എ സര്‍ക്കാര്‍ 34 ബില്ലുകള്‍ തിടുക്കത്തില്‍ അവതരിപ്പിച്ച് പാസാക്കിയപ്പോള്‍ അതില്‍ ഇടപെട്ട് പ്രതിഷേധം അറിയിക്കുകയോ പ്രതിപക്ഷ പാര്‍ട്ടികളുടെ ഏകോപനത്തിനായി ശ്രമിക്കുകയോ ചെയ്തില്ല എന്നും ഇരുവരും ആരോപിച്ചു. യോഗത്തിനിടെ ഒന്നിലേറെ തവണ കുഞ്ഞാലിക്കുട്ടിയും ഹംസയും തമ്മില്‍ നേരിട്ട് വാക്‌പോരുണ്ടായി.

മുത്തലാഖ്, അസം പൗരത്വ വിഷയം, കശ്മീര്‍ തുടങ്ങിയ വിഷയങ്ങളില്‍ പാര്‍ട്ടിയുടെ മൂന്ന് എം.പിമാരുടെയും പ്രകടനം മികച്ചതല്ലെന്നും യോഗത്തില്‍ വിമര്‍ശനമുയര്‍ന്നു.

അതേസമയം, പാര്‍ട്ടിയിലെ ചില നേതാക്കള്‍ തനിക്കെതിരെ വ്യക്തിപരമായി നീങ്ങുകയാണെന്നും പി.കെ കുഞ്ഞാലിക്കുട്ടി പറഞ്ഞു. പാര്‍ലിമെന്റില്‍ മികച്ച രീതിയില്‍ ഇടപെടാറുണ്ടെന്നും ചിലര്‍ പ്രത്യേക ലക്ഷ്യങ്ങളോടെ തന്നെ കടന്നാക്രമിക്കുകയാണെന്നും കുഞ്ഞാലിക്കുട്ടി പറഞ്ഞു. അഡ്വ. എന്‍ ഷംസുദ്ദീന്‍ എം.എല്‍.എ മാത്രമാണ് കുഞ്ഞാലിക്കുട്ടിയെ അനുകൂലിച്ച് സംസാരിച്ചത്.

അസം-കശ്മീര്‍ സംഭവ വികാസങ്ങളുടെ പശ്ചാത്തലത്തില്‍ ഗാന്ധിജയന്തി ദിനത്തില്‍ കോഴിക്കോട്ട് ഫാസിസ്റ്റ് വിരുദ്ധ റാലി സംഘടിപ്പിക്കാനും യോഗം തീരുമാനിച്ചു. “ഭയരഹിത ഇന്ത്യ എല്ലാവര്‍ക്കും ഉള്ള ഇന്ത്യ” എന്ന മുദ്രാവാക്യവുമായി മുസ്ലിം ലീഗ് ആരംഭിക്കുന്ന ദേശിയ കാമ്പയിന്റെ ഭാഗമായാണ് റാലി.”

Latest Stories

ജീത്തു ജോസഫിനൊപ്പം ഫഹദ് ഫാസില്‍; തിരക്കഥ ശാന്തി മായാദേവി, ചിത്രം ത്രില്ലര്‍ അല്ലെന്ന് വെളിപ്പെടുത്തല്‍

രാഹുല്‍ വിവാഹിതനായും പിതാവായും കാണാന്‍ ആഗ്രഹമുണ്ട്; സഹോദരന്‍ സന്തോഷത്തോടെ ഇരിക്കണമെന്ന് പ്രിയങ്ക ഗാന്ധി

ഒരമ്മ പെറ്റ അളിയന്‍മാര്‍.. തിയേറ്ററില്‍ കസറി 'ഗുരുവായൂരമ്പല നടയില്‍'; ഓപ്പണിംഗ് ദിനത്തില്‍ ഗംഭീര നേട്ടം, കളക്ഷന്‍ റിപ്പോര്‍ട്ട് പുറത്ത്

'മുസ്ലിംങ്ങൾ, വർഗീയ സ്വേച്ഛാധിപത്യ ഭരണരീതി' പരാമർശങ്ങൾ നീക്കി; യെച്ചൂരിയുടെയും ജി ദേവരാജന്റെയും പ്രസംഗങ്ങൾ സെൻസർ ചെയ്ത് ദൂരദർശനും ആകാശവാണിയും

IPL 2024: ലോകകപ്പ് ഇങ്ങോട്ട് എത്തി മോനെ, ഇനി നിന്റെ ഏറ്റവും മികച്ച പ്രകടനം നടത്തിയില്ലെങ്കിൽ പിന്നെ ഇന്ത്യൻ ജേഴ്സി അണിയില്ല; സൂപ്പർ താരത്തിന് അപായ സൂചന നൽകി ഷെയ്ൻ വാട്‌സൺ

IPL 2024: ആ ഒറ്റ ഒരുത്തൻ കാരണം ചിലപ്പോൾ ഇന്ത്യ ലോകകപ്പ് ജയിക്കാൻ സാധിക്കില്ല, അദ്ദേഹമാണ് ഏറ്റവും വലിയ ആശങ്ക: ഇർഫാൻ പത്താൻ

കോവാക്‌സിനും 'പ്രശ്നക്കാരൻ' തന്നെ! മൂന്നില്‍ ഒരാള്‍ പാര്‍ശ്വഫലങ്ങള്‍ നേരിടുന്നതായി പഠനം; ശ്വാസകോശ പ്രശ്നങ്ങൾ മുതൽ ആർത്തവ തകരാറുകൾ വരെ

IPL 2024: ഇതല്ല ഇതിനപ്പുറവും ചാടിക്കടന്ന് ഞാൻ പിച്ചിൽ എത്തും..., ശനിയാഴ്ച മഴ ഭീഷണിക്ക് പുറമെ ആരാധകന്റെ വെല്ലുവിളിയും; ചെന്നൈ ബാംഗ്ലൂർ മത്സരത്തിൽ പൊലീസുകാർക്ക് ഇരട്ടി പണി നൽകി ആരാധകന്റെ വീഡിയോ

അസാധാരണ മികവുള്ള കളിക്കാരനാണ് അവൻ, ഞാൻ അദ്ദേഹത്തിന്റെ ഫാൻ ബോയ്; ഇന്ത്യൻ താരത്തെ ഇഷ്ട ക്രിക്കറ്ററായി തിരഞ്ഞെടുത്ത് ഉസൈൻ ബോൾട്ട്

ചക്രവാതചുഴി; സംസ്ഥാനത്ത് അതിശക്തമായ മഴ മുന്നറിയിപ്പ്, ഇന്ന് അഞ്ച് ജില്ലകളിൽ യെല്ലോ അലേർട്ട്