കേരളത്തിന്റെ സാമ്പത്തിക നയം മാറണമെന്നും സ്വകാര്യ മേഖലയ്ക്ക് കൂടുതൽ ഊന്നൽ നൽകണമെന്നും മുഖ്യമന്ത്രിയുടെ സാമ്പത്തിക ഉപദേഷ്ടാവ് ഗീതാ ഗോപിനാഥ്. ചെലവ് ചുരുക്കൽ നടപടികൾ വേണം.
ഇക്കാര്യത്തിൽ സർക്കാർ തീരുമാനമെടുക്കണം. ജിഎസ്ടി ഭാവിയിൽ കേരളത്തിന് നേട്ടമാകുമെന്നും ഗീത ഗോപിനാഥ് വ്യക്തമാക്കി. അടിസ്ഥാന വികസനത്തിൽ സ്വകാര്യ മേഖലയെ പങ്കാളിയാക്കണം, ഇക്കാര്യങ്ങളെല്ലാം മുഖ്യമന്ത്രിയുമായും ധനമന്ത്രിയുമായും സംസാരിച്ചതായും അവര്‍ പറഞ്ഞു.
കേന്ദ്രസര്‍ക്കാരിന്റെ സാമ്പത്തിക ഉപദേശ സംഘത്തിലടക്കം പ്രവര്‍ത്തിച്ചിട്ടുള്ള അനുഭവസമ്പത്തിന്‍റെ പശ്ചാത്തലത്തിലായിരുന്നു ഗീത ഗോപിനാഥിനെ കേരള മുഖ്യമന്ത്രിയുടെ സാമ്പത്തിക ഉപദേഷ്‌ടാവായി നിയമിച്ചത്.