കോൺഗ്രസ് മുഖ്യമന്ത്രി പ്രഖ്യാപനം ഞായറാഴ്ചയോടെ. ഹൈക്കമാന്റിൽ കെ സി വേണുഗോപാലിന് 46 എംഎൽഎമാരുടെ പിന്തുണ ലഭിച്ചു, രമേശ് ചെന്നിത്തലയെ പിന്തുണച്ചത് 8 പേർ, വി ഡി സതീശനെ പിന്തുണച്ചത് 6 പേർ മാത്രമാണ്. അതേസമയം 3 പേർ ഹൈക്കമാൻഡിൻ്റെ തീരുമാനം അംഗീകരിക്കുമെന്ന് അറിയിച്ചു.
കെപിസിസി ആസ്ഥാനത്ത് ചേര്ന്ന എംഎല്എമാരുടെ കൂടിക്കാഴ്ച പൂർത്തിയായി. 46 എംഎൽഎമാർ കെസി വേണുഗോപാലിനെ പിന്തുണച്ചു. 8 പേർ രമേശ് ചെന്നിത്തലയുടെ പേര് നിർദ്ദേശിച്ചു. വി.ഡി സതീശനെ പിന്തുണച്ചത് 6 പേർ മാത്രം. 3 പേർ ഹൈക്കമാൻഡിൻ്റെ തീരുമാനം അംഗീകരിക്കുമെന്ന് അറിയിച്ചു. മുഖ്യമന്ത്രി സ്ഥാനത്തിനായുള്ള മത്സരത്തിൽ നിന്ന് പിന്മാറില്ലെന്ന് തന്നെ അനുകൂലിക്കുന്ന എംഎൽഎമാരോട് കെസി വേണുഗോപാലും വ്യക്തമാക്കി.
അതിനിടെ കെപിസിസി ആസ്ഥാനത്ത് ചേര്ന്ന എംഎല്എമാരുടെ യോഗം നിയമസഭാകക്ഷി നേതാവിനെ തെരഞ്ഞെടുക്കാന് എഐസിസി അധ്യക്ഷനെ ചുമതലപ്പെടുത്തി പ്രമേയം പാസാക്കി. കേന്ദ്ര നിരീക്ഷകരായ മുകുള് വാസ്നിക്കിന്റേയും അജയ് മാക്കാന്റേയും സാന്നിധ്യത്തില് കെപിസിസി പ്രസിഡന്റ് സണ്ണി ജോസഫ് അവതരിപ്പിച്ച പ്രമേയത്തെ പ്രതിപക്ഷ നേതാവ് വി ഡി സതീശന് പിന്താങ്ങി.