കണ്ണൂരില് കള്ളവോട്ട് നടന്ന സംഭവത്തില് മൂന്ന് പേര്ക്കെതിരെ ക്രിമിനല് കേസ്. സലീന, സുമയ്യ, പത്മിനി എന്നിവര്ക്ക് എതിരെയാണ് കേസ് രജിസ്റ്റര് ചെയ്തിരിക്കുന്നത്. ആള്മാറാട്ടമുള്പ്പടെയുള്ള വകുപ്പുകള് ചുമത്തിയാണ് കേസ്. ജനപ്രാതിനിദ്ധ്യ നിയമം അനുസരിച്ചും കേസെടുത്തിട്ടുണ്ട്.
ഓപ്പണ് വോട്ടാണെന്നായിരുന്നു ഇവരുടെ വാദം. മൂവരും കള്ളവോട്ട് ചെയ്തതായി മുഖ്യ തിരഞ്ഞെടുപ്പ് ഓഫീസര് വ്യക്തമാക്കിയിരുന്നു. എന്നാല് മൂവരുടെയും ഭാഗം കൂടി കേട്ട ശേഷമാണ് കേസെടുത്തിരിക്കുന്നത്.
പ്രാഥമികമായി കേസെടുക്കല് മാത്രമാണ് പൂര്ത്തിയായിരിക്കുന്നത്. ഇവരെ പിന്നീട് ചോദ്യം ചെയ്യും. കേസ് എടുത്തവരില് സലീന സിപിഎം പഞ്ചായത്തു അംഗമാണ്. ഇവരെ അയോഗ്യയാക്കുമെന്ന് തിരഞ്ഞെടുപ്പ് ഓഫീസര് നേരത്തേ അറിയിച്ചിരുന്നു.
ചിത്രം: മാതൃഭൂമി ന്യൂസ്