മോദിയാണ് തന്റെ പ്രചോദനമെന്നും അദ്ദേഹം കാരണമാണ് താൻ ഈ പാർട്ടിയിലേക്ക് വന്നതെന്നും ഡോ. റോബിൻ രാധാകൃഷ്ണൻ. ആരുടെ കൂടെയാണ് നിൽക്കേണ്ടതെന്ന് ജനങ്ങളാണ് തീരുമാനിക്കേണ്ടത്. മാറ്റങ്ങൾ ആവശ്യമാണ് എന്നും റോബിൻ പറഞ്ഞു. വടകരയിൽ പാർട്ടി ചടങ്ങിൽ പങ്കെടുക്കാൻ വന്നപ്പോൾ മാധ്യമങ്ങളോട് സംസാരിക്കുകയായിരുന്നു റോബിൻ.
‘മോദിജിയാണ് എന്റെ പ്രചോദനം. മോദിജി കാരണമാണ് ഞാൻ ഈ പാർട്ടിയിലേക്ക് വന്നത്. കഴിഞ്ഞ ദിവസം ഞാൻ അദ്ദേഹത്തെ കാണാനിടയായി. നിരവധി വികസനപദ്ധതികളാണ് അദ്ദേഹം കേരളത്തിനു വേണ്ടി നൽകിയിരിക്കുന്നത്. ഇതുപോലുള്ള ഒരുപാട് കാര്യങ്ങൾക്കായി നമ്മുടെ നാട് കാത്തിരിക്കുന്നുണ്ട്. ആരുടെ കൂടെയാണ് നിൽക്കേണ്ടതെന്ന് ജനങ്ങളാണ് തീരുമാനിക്കേണ്ടത്. മാറ്റങ്ങൾ ആവശ്യമാണ്. മാറണം, മാറിയിരിക്കും’ റോബിൻ രാധാകൃഷ്ണൻ പറഞ്ഞു.
തിരഞ്ഞെടുപ്പ് തീയതി പ്രഖ്യാപിക്കും മുൻപ് തന്നെ മുൻ ബിഗ് ബോസ് താരം ഡോ. റോബിൻ രാധാകൃഷ്ണൻ ബിജെപി അംഗത്വമെടുത്തിരുന്നു. ഈ വരുന്ന നിയമസഭാ തിരഞ്ഞെടുപ്പിൽ റോബിൻ രാധാകൃഷ്ണൻ മത്സരിക്കുമെന്ന സൂചനകളും അന്ന് തന്നെ പുറത്തുവന്നിരുന്നു. പാർട്ടി പറഞ്ഞാൽ മൽസരിക്കും എന്ന നിലപാടാണ് റോബിൻ സ്വീകരിച്ചിപോന്നത്. എന്നാൽ ഇതിനകം പുറത്തുവിട്ട സ്ഥാനാർത്ഥി പട്ടികയിൽ പേരില്ലെങ്കിലും, പാർട്ടിയുടെ പ്രചാരണ പരിപാടികളിൽ താരം സജീവമാണ്.