കൊല്ലം കരിക്കോട് അപ്പോളോ നഗറില് ഭര്ത്താവ് ഭാര്യയെ ഗ്യാസ് കുറ്റി കൊണ്ട് തലയ്ക്കടിച്ച് കൊലപ്പെടുത്തി. കവിത (46) ആണ് അതിക്രൂരമായി കൊല്ലപ്പെട്ടത്. പ്രതിയായ മധുസൂദനന് പിള്ളയെ (54) പൊലീസ് കസ്റ്റഡിയില് എടുത്തു. ഇയാളെ ചോദ്യം ചെയ്തു വരികയാണ്. ഇന്നലെ രാത്രി രാത്രി 11 മണിയോടെയായിരുന്നു സംഭവം.
കൊലപാതകത്തിന്റെ കാരണം വ്യക്തമല്ല. സംഭവസമയത്ത് വീട്ടില് ഇവരുടെ മകളുണ്ടായിരുന്നു. കൊലപാതകം നേരില് കണ്ട മകളാണ് അയല്ക്കാരെ വിവരം അറിയിച്ചത്. അയല്ക്കാര് സംഭവം പൊലീസില് അറിയിക്കുകയായിരുന്നു. കശുവണ്ടി വ്യാപാരവുമായി ബന്ധപ്പെട്ട ഇടനിലക്കാരനാണ് മധുസൂദനന് പിള്ള. കവിതയുടെ മൃതദേഹം ആശുപത്രിയിലേക്ക് മാറ്റി.