ശക്തമായ മഴ തുടരുന്ന സാഹചര്യത്തില് എറണാകുളം, തൃശൂര്, കോട്ടയം, ഇടുക്കി, പാലക്കാട്, പത്തനംതിട്ട, വയനാട് അടക്കമുള്ള ഏഴ് ജില്ലകളിലെയും നിലമ്പൂര്, കുട്ടനാട്, ചേര്ത്തല, ഇരിട്ടി താലൂക്കുകളിലെയും വിദ്യാഭ്യാസ സ്ഥാപനങ്ങള്ക്ക് ഇന്ന് ജില്ലാ കളക്ടര്മാര് അവധി പ്രഖ്യാപിച്ചു.
ഏഴ് ജില്ലകളിലും പ്രൊഫഷണല് കോളജുകള് ഉള്പ്പെടെയുള്ള, എല്ലാ വിദ്യാഭ്യാസ സ്ഥാപനങ്ങള്ക്കും അവധിയാണ്.
വടക്കു പടിഞ്ഞാറന് ബംഗാള് ഉള്ക്കടലിനും ഒഡീഷ, പശ്ചിമ ബംഗാള് തീരത്തിനും മുകളിലായി ന്യൂനമര്ദ്ദം രൂപപ്പെട്ടതിനാല് വരും ദിവസങ്ങളിലും മഴ ശക്തമാകുമെന്നാണ് കാലാവസ്ഥാ വകുപ്പിന്റെ പ്രവചനം.
ഇന്ന് കേരളത്തിന് മുകളില് മണിക്കൂറില് പരമാവധി 50 മുതല് 60 കിലോമീറ്റര് വരെ വേഗതയില് കാറ്റു ശക്തമാകാനും സാധ്യതയുണ്ട്.