പാലക്കാട് പട്ടാമ്പിയില് ഗൃഹനാഥനെ വീട്ടില് നിന്ന് വിളിച്ചിറക്കി കൊലപ്പെടുത്തിയ സംഭവത്തില് ഒരാള് അറസ്റ്റില്. ചെര്പ്പുളശ്ശേരി സ്വദേശി മുഹമ്മദാലിയെയാണ് പൊലീസ് അറസ്റ്റ് ചെയ്തത്. വണ്ടുംതറ വടക്കുംമുറി അബ്ബാസ് ആണ് മരിച്ചത്. ഇന്ന് പുലര്ച്ചെയായിരുന്നു സംഭവം.
6.30ഓടെ ഓട്ടോറിക്ഷയിലെത്തിയ അക്രമി സംഘം ഉറങ്ങിക്കിടന്ന അബ്ബാസിനെ വിളിച്ചുണര്ത്തി വീടിന് പുറത്തേക്ക് ഇറക്കുകയും ശേഷം് വെട്ടിക്കൊലപ്പെടുത്തുകയുമായിരുന്നു. പരിക്കേറ്റ ഇയാളെ ആശുപത്രിയില് എത്തിച്ചെങ്കിലും രക്ഷിക്കാനായില്ല.
അബ്ബാസ് വിവാഹം നടത്തിതരാമെന്ന് പറഞ്ഞ് പണം തട്ടിയിരുന്നെന്നും ഇതേ തുടര്ന്നുള്ള വിരോധമാണ് കൊലപാതകത്തിന് കാരണമായതെന്നും പൊലീസ് പറയുന്നു.