കൊച്ചി മെട്രോ രണ്ടാംഘട്ടത്തിനായി ഫ്രഞ്ച് ഫണ്ടിംഗ് ഏജന്സിയെ സമീപിച്ചിട്ടില്ലെന്ന് മുഖ്യമന്ത്രി പിണറായി വിജയന്. 1016 കോടി രൂപ വായ്പയെടുക്കാന് കേന്ദ്രസര്ക്കാര് അനുമതി നല്കിയിട്ടുണ്ടെന്നും മുഖ്യമന്ത്രി നിയമസഭയില് പറഞ്ഞു.
കൊച്ചി മെട്രോ നെടുമ്പാശേരി വിമാനത്താവളത്തിലേക്ക് നീട്ടുന്നത് കേന്ദ്രവുമായി ആലോചിക്കും. തിരുവനന്തപുരം-കോഴിക്കോട് ലൈറ്റ് മെട്രോ നടപ്പാക്കുമെന്നും അദ്ദേഹം സഭയെ അറിയിച്ചു.
കലൂര് സ്റ്റേഡിയം മുതല് ഇന്ഫോപാര്ക്ക് വരെയാണ് മെട്രോ രണ്ടാംഘട്ടം. 11.2 കിലോ മീറ്റര് ദൂരമുള്ള രണ്ടാംഘട്ട നിര്മാണത്തിനായി റോഡ് വീതി കൂട്ടലും കാന പുനര്നിര്മാണവുമെല്ലാം മാസങ്ങള്ക്ക് മുന്പേ ആരംഭിച്ചിരുന്നു.
രണ്ടാംഘട്ടത്തിനായി 3500 കോടി രൂപ വേണമെന്നാണ് എഎഫ്ഡി വിലയിരുത്തല്. മെട്രോ ഒന്നാംഘട്ടത്തില് എഎഫ്ഡിയാണ് വായ്പ നല്കിയത്. 5181 കോടി കണക്കാക്കിയെങ്കിലും 7100 കോടി ചെലവായിരുന്നു.