വയനാട്ടില് വിരണ്ടോടിയ പോത്തിനുനേരെ വനംവകുപ്പ് ഉദ്യോഗസ്ഥര് വെടിവയ്ക്കുന്നതിനിടെ പെല്ലറ്റ് തുളച്ചുകയറി രണ്ടുപേര്ക്ക് പരിക്ക്. നാലാംമൈല് കെല്ലൂര് കാപ്പുംകുന്ന് സ്വദേശി ജലീല്, കൂളിവയല് സ്വദേശി ജസീം എന്നിവര്ക്കാണ് പരിക്കേറ്റത്. മാനന്തവാടിക്കടുത്ത് നാലാംമൈല് ഭാഗത്താണ് സംഭവം ഉണ്ടായത്.
അപകടത്തില് പരുക്കേറ്റ ഇരുവരെയും മാനന്തവാടി മെഡിക്കല് കോളേജ് ആശുപത്രിയില് പ്രവേശിപ്പിച്ചു. പെല്ലറ്റുകള് ഇരുവരുടെയും ശരീരത്തില്നിന്ന് നീക്കംചെയ്തിട്ടുണ്ട്. ഒരാള്ക്ക് മുഖത്തും മറ്റൊരാള്ക്ക് വയറ്റിലുമാണ് വെടിയേറ്റത്.
വിരണ്ട് ഓടിയ പോത്ത് ആക്രമണകാരിയായതോടെ നാട്ടുകാരാണ് വനംവകുപ്പിന്റെ സഹായം തേടിയത്. തുടര്ന്ന് സ്ഥലത്തെത്തിയ വനംവകുപ്പ് ഉദ്യോഗസ്ഥര് വയക്കുവെടി വെയ്ക്കാന് തോക്ക് ഉപയോഗിക്കുന്നതിനിടെയാണ് അപകടം ഉണ്ടായത്.