പാലക്കാട് എംഎൽഎയും മുൻ യൂത്ത് കോൺഗ്രസ് സംസ്ഥാന അധ്യക്ഷനുമായ രാഹുൽ മാങ്കൂട്ടത്തിലിനെതിരായ ആരോപണങ്ങളിൽ സ്വമേധയാ കേസെടുത്ത് വനിതാ കമ്മീഷന്. പൊലീസിനോട് കമ്മീഷന് റിപ്പോര്ട്ട് തേടി. ഡിജിപിയോട് റിപ്പോർട്ട് വേണമെന്ന് കമ്മീഷൻ ആവിശ്യപ്പെട്ടിട്ടുണ്ട്. അനുബന്ധ തെളിവുകള് ലഭിച്ചാല് കൂടുതല് നടപടികളിലേക്ക് കടക്കും.
യുവനടി റിനി ആന് ജോര്ജ് ആരോപണവുമായി രംഗത്തെത്തിയതോടെയാണ് വിവാദങ്ങള്ക്ക് തുടക്കമായത്. യുവ നേതാവ് അശ്ലീല സന്ദേശം അയച്ചെന്നും ഫൈവ് സ്റ്റാര് ഹോട്ടലിലേക്ക് ക്ഷണിച്ചെന്നുമായിരുന്നു റിനി ആന് ജോര്ജ് പറഞ്ഞത്. സൗഹൃദത്തിലായി കുറച്ചുനാളായപ്പോള് തന്നെ അയാള് തന്നോട് മോശമായി പെരുമാറിയെന്നും അപ്പോള് തന്നെ അയാളോട് രൂക്ഷമായി പ്രതികരിച്ചിരുന്നുവെന്നും റിനി ആന് ജോര്ജ് പറഞ്ഞിരുന്നു.
ഒരു രാഷ്ട്രീയ നേതാവ് ഇങ്ങനെയാകരുതെന്ന് ഉപദേശിച്ചു. ‘ഹു കെയര്’ എന്നതായിരുന്നു ആറ്റിറ്റിയൂഡ്. ഇതേപ്പറ്റി പല നേതാക്കളോടും പരാതിപ്പെട്ടിരുന്നു. അവര്ക്കും ഹു കെയര് എന്ന ആറ്റിറ്റിയൂഡായിരുന്നുവെന്നും റിനി പറഞ്ഞിരുന്നു. വിവാദങ്ങൾ ശക്തമാകുന്നതിനിടെ രാഹുലിനെതിരെ വിമര്ശനവുമായി എഴുത്തുകാരി ഹണി ഭാസ്കരനും രംഗത്തെത്തി. അതിനിടെ രാഹുല് മാങ്കൂട്ടത്തില് ഗര്ഭഛിദ്രത്തിന് നിര്ബന്ധിക്കുന്ന യുവതിയുടെ ഫോണ് സംഭാഷണവും ചാറ്റും അടക്കം പുറത്ത് വരുന്നത്.
വിവാദം ശക്തമായതോടെ രാഹുൽ മാങ്കൂട്ടം യൂത്ത് കോണ്ഗ്രസ് സംസ്ഥാന അധ്യക്ഷ സ്ഥാനം രാജിവെച്ചു. രാഹുൽ എംഎൽഎ സ്ഥാനം കൂടി രാജി വെക്കണമെന്ന ആവശ്യം നിലവിൽ ശക്തമാകുകയാണ്. രാഹുൽ മാങ്കൂട്ടത്തിൽ എംഎൽഎ സ്ഥാനം രാജിവെക്കണം എന്ന നിലപാടിൽ വിട്ടുവീഴ്ചയില്ലന്ന് പ്രതിപക്ഷ നേതാവ് വി ഡി സതീശൻ അറിയിച്ചു. ഇത്തരം പരാതികൾ നേരിടുന്ന ആളെ വെച്ച് മുന്നോട്ടുപോകാൻ ആകില്ല. നിലപാട് ഹൈക്കമാന്റിനെ അറിയിച്ചു. ഇനിയും പരാതികൾ വന്നേക്കുമെന്നും സതീശൻ ഹൈക്കമാൻഡിനെ അറിയിച്ചു.