മദ്യലഹരിയില്‍ ബസ് ഓടിച്ച് അപകടാവസ്ഥ സൃഷ്ടിച്ച ഡ്രൈവറെ മാറ്റി യാത്രക്കാരിലൊരാള്‍ നിയന്ത്രണമേറ്റെടുത്തു. ബെംഗളൂരുവില്‍ നിന്ന് പയ്യന്നൂരിലേക്ക് വരികയായിരുന്ന ടൂറിസ്റ്റ് ബസിലെ ഡ്രൈവര്‍ പയ്യന്നൂര്‍ സ്വദേശി വിനയനാ (37) ണ് അടിച്ച് ഫിറ്റായി ബസ് ഓടിച്ചത്. ബെംഗളൂരുവില്‍ നിന്ന് ബസ് പുറപ്പെട്ടപ്പോള്‍ തന്നെ യാത്രക്കാര്‍ ഡ്രൈവറുടെ അസ്വഭാവികത ശ്രദ്ധിച്ചിരുന്നു. തുടര്‍ന്ന് വിരാജ്‌പേട്ടയില്‍ എത്തിയപ്പോഴാണ് വിനയനെ കാബിനില്‍ നിന്ന് ഇറക്കി യാത്രക്കാരന് ബസിന്റെ നിയന്ത്രണം ഏറ്റെടുത്തത്.
യാത്രക്കാരുടെ പരാതിയെത്തുടര്‍ന്ന് വിനയനെ പോലീസ് കസ്റ്റഡിയിലെടുത്തു. യാത്രക്കാരുടെ കൂട്ടത്തിലുണ്ടായിരുന്ന വളപട്ടണം സ്വദേശിയായ മറ്റൊരു ഡ്രൈവറായ യാത്രക്കാരനാണ് പീന്നിട് ബസ് ഓടിച്ചത്. ബസ് ഓടിച്ചിരുന്ന യാത്രക്കാരന് ഇറങ്ങേണ്ട സ്ഥലമായ വളപട്ടണത്ത് എത്തിയപ്പോൾ ഇയാൾ ബസ് റോഡരുകിൽ ഒതുക്കി ഇറങ്ങി പോയി.
https://www.facebook.com/KannurLifestyle/videos/1875159712511902/
പിന്നീട് യാത്രികരിൽ ഒരാൾ വളപട്ടണം പോലീസ് സ്റ്റേഷനുമായി ബന്ധപ്പെടുകയും ചെയ്തു. സ്ഥലത്തെത്തിയ എസ്.ഐ പകരം ഡ്രൈവറെ ഏർപ്പാടാക്കി ബസ് യഥാസ്ഥാനത്ത് എത്തിക്കുകയും മദ്യലഹരിയിലായിരുന്ന ഡ്രൈവറെ കസ്റ്റഡിയിലെടുക്കുകയുമായിരുന്നു. വളപട്ടണം എസ്‌ഐ ശ്രീജിത്തും സംഘവുമാണ് ഡ്രൈവര്‍ വിനായകനെ അറസ്റ്റ് ചെയ്തത്. മദ്യപിച്ച് അലക്ഷ്യമായി വാഹനമോടിച്ചതിന് ഇയാള്‍ക്കെതിരെ കേസെടുത്തിട്ടുണ്ട്. ഇയാളുടെ ലൈസന്‍സും കട്ട് ചെയ്തു.