തിരുവനന്തപുരം നഗരത്തിൽ വഞ്ചിയൂരിൽ റോഡ് അടച്ച് സിപിഎം പാളയം ഏരിയ സമ്മേളനം. പ്രദേശത്ത് വൻ ഗതാഗതകുരുക്കാണ് ഉണ്ടായത്. കോടതി ഉത്തരവ് ലംഘിച്ചാണ് സ്റ്റേജ് കെട്ടി സിപിഎം വഴി തടഞ്ഞത്. ഏരിയാ സമ്മേളനത്തിന്റെ പൊതുസമ്മേളനത്തിനായി സ്റ്റേജ് റോഡിന്റെ ഒരു വശം പൂർണമായി തടഞ്ഞാണ് കെട്ടിയത്. പൊതുഗതാഗതം തടസപ്പെടുത്തി കൊണ്ടുള്ള പൊതുസമ്മേളനങ്ങൾ വിലക്കിയുള്ള കോടതി ഉത്തരവ് നിലനിൽക്കുമ്പോഴാണ് വഞ്ചിയൂർ കോടതിക്ക് മുന്നിൽ തന്നെ റോഡ് തടസപ്പെടുത്തി സ്റ്റേജ് നിർമ്മിച്ചത്.
'കോടതിവിലക്ക് ലംഘിച്ച് സിപിഎം ഏരിയ സമ്മേളനം റോഡിന് നടുക്ക്'; പ്രദേശത്ത് വൻ ഗതാഗതകുരുക്ക്
