വിവാദ പരാമര്ശത്തില് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശനെ തള്ളി സിപിഎം. കേരളത്തിന്റെ സാമൂഹ്യ പുരോഗതിക്ക് വലിയ സംഭാവനയാണ് നവോത്ഥാന പ്രസ്ഥാനങ്ങള് ചെയ്തത്. അത്തരം പ്രസ്ഥാനങ്ങള് മുന്നോട്ടുവെച്ച സാമൂഹ്യ നീതിയുടെ പ്രശ്നത്തെ ഉള്ക്കൊണ്ടുകൊണ്ടാണ് കമ്മ്യൂണിസ്റ്റ് പാര്ട്ടി പ്രവര്ത്തിച്ചത്.
മതവൈരം ഉണ്ടാക്കുന്ന തരത്തില് പ്രശ്നങ്ങള് അവതരിപ്പക്കരുതെന്നും സിപിഎം പ്രസ്താവനയില് ചൂണ്ടിക്കാട്ടി. കേരളത്തിന്റെ സാമൂഹ്യ പുരോഗതിക്ക് വലിയ സംഭാവനയാണ് നവോത്ഥാന പ്രസ്ഥാനങ്ങള് ചെയ്തത്. അത്തരം പ്രസ്ഥാനങ്ങള് മുന്നോട്ടുവെച്ച സാമൂഹ്യ നീതിയുടെ പ്രശ്നത്തെ ഉള്ക്കൊണ്ടുകൊണ്ടാണ് കമ്മ്യൂണിസ്റ്റ് പാര്ട്ടി പ്രവര്ത്തിച്ചതെന്നും പ്രസ്താവനയില് വ്യക്തമാക്കി.
പ്രസ്താവനയുടെ പൂര്ണരൂപം;
കേരളത്തിന്റെ മതനിരപേക്ഷ സംസ്കാരത്തിന് പോറലേല്പ്പിക്കുന്ന ഇടപെടലുകള് ആരുടെ ഭാഗത്ത് നിന്നുണ്ടായാലും അതിനെതിരെ ജാഗ്രത പുലര്ത്തണമെന്ന് സി.പി.ഐ (എം) സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു.
കേരളത്തിലെ എല്.ഡി.എഫ് സര്ക്കാര് കേന്ദ്ര സര്ക്കാരിന്റെ തെറ്റായ നയങ്ങള്ക്കെതിരെ ബദല് നയങ്ങളുയര്ത്തി മുന്നോട്ടപോവുകയാണ്. എല്ലാ വിഭാഗം ജനങ്ങളും അനുഭവിക്കുന്ന അവശതകള് പരിഹരിക്കുന്നതിനുള്ള നിലപാടുകള് സ്വീകരിച്ചുകൊണ്ടാണ് പ്രവര്ത്തിക്കുന്നത്. സാമൂഹ്യ നീതിയും, മതനിരപേക്ഷതയും ആ നയത്തിന്റെ അടിസ്ഥാനവുമാണ്.
മതനിരപേക്ഷതാ സംരക്ഷണത്തിന്റെ ഭാഗമായിട്ടാണ് ന്യൂനപക്ഷ അവകാശങ്ങളെ പാര്ടി കാണുന്നത്. മതനിരപേക്ഷ സമൂഹത്തില് മാത്രമേ എല്ലാ മതവിശ്വാസികള്ക്കും, വിശ്വാസികളല്ലാത്തവര്ക്കും ജനാധിപത്യപരമായ രീതിയില് പ്രവര്ത്തിക്കാന് കഴിയൂവെന്ന നിലപാടാണ് സി.പി.ഐ (എം)നുള്ളത്. എല്ലാ ജനവിഭാഗങ്ങളുടേയും പ്രശ്നങ്ങള് കേള്ക്കുവാനും, ന്യായമായത് പരിഹരിക്കാനുമുള്ള നിലപാടാണ് സര്ക്കാര് സ്വീകരിച്ചിട്ടുള്ളത്. അതിദാരിദ്ര്യം പരിഹരിക്കുന്നതും, മിഷനുകളുടെ പ്രവര്ത്തനവും, ക്ഷേമ പദ്ധതികളുടെ പ്രവര്ത്തനങ്ങളുമെല്ലാം എല്ലാ വിഭാഗത്തിലുമുള്ള പാവപ്പെട്ടവരുടെ പ്രശ്നങ്ങള് പരിഹരിക്കുന്നതിനുവേണ്ടിയാണ്.
കേരളത്തിന്റെ സാമൂഹ്യ പുരോഗതിക്ക് വലിയ സംഭാവനയാണ് നവോത്ഥാന പ്രസ്ഥാനങ്ങള് ചെയ്തത്. അത്തരം പ്രസ്ഥാനങ്ങള് മുന്നോട്ടുവെച്ച സാമൂഹ്യ നീതിയുടെ പ്രശ്നത്തെ ഉള്ക്കൊണ്ടുകൊണ്ടാണ് കമ്മ്യൂണിസ്റ്റ് പാര്ടി പ്രവര്ത്തിച്ചത്. അതോടൊപ്പം, പാവപ്പെട്ട ജനതയുടെ ജീവിതം സംരക്ഷിക്കുന്നതിനുള്ള നടപടികളും ഒപ്പം സ്വീകരിച്ചു. അവശ ജനവിഭാഗത്തോടൊപ്പം നിന്ന് നടത്തിയ പ്രവര്ത്തനങ്ങളാണ് പാര്ടിയുടെ അടിത്തറ വിപുലപ്പെടുത്തിയത്.