കോവിഡ് വ്യാപനത്തിന്റെ പശ്ചാത്തലത്തില് ട്രെയിനുകള് റദ്ദാക്കി. 22 മുതല് 27 വരെ നാലു ട്രെയിനുകള് പൂര്ണമായും റദ്ദാക്കിയതായി റെയില്വേ അധികൃതര് അറിയിച്ചു.
നാഗര് കോവില് -കോട്ടയം എക്സ്പ്രസ് (16366), കൊല്ലം തിരുവനന്തപുരം അണ്റിസര്വ്ഡ് എക്സ്പ്രസ് (06425), ?കോട്ടയം -കൊല്ലം അണ്റിസര്വ്ഡ് എക്സ്പ്രസ് (06431), തിരുവനന്തപുരം -നാഗര്കോവില് അണ്റിസര്വ്ഡ് എക്സ്പ്രസ് (06435) എന്നിവയാണ് റദ്ദാക്കിയത്.
ആശങ്ക വേണ്ടെന്ന് ആരോഗ്യമന്ത്രി
കോവിഡ് വ്യാപനത്തില് ആശങ്കയും ഭയവും വേണ്ടെന്ന് ആരോഗ്യമന്ത്രി വീണാ ജോര്ജ്. കോവിഡ് മാനദണ്ഡങ്ങള് പാലിക്കുന്നുണ്ടെന്ന് എല്ലാവരും ഉറപ്പു വരുത്തണം. പനിയും ജലദോഷവും പോലുള്ള ലക്ഷണങ്ങള് ഉള്ളവര് വീട്ടില് തന്നെ കഴിയണം. അവര് പൊതു ഇടങ്ങളില് ഇറങ്ങരുതെന്ന് ആരോഗ്യമന്ത്രി ആവശ്യപ്പെട്ടു.
രോഗലക്ഷണങ്ങല് ഉള്ളവര് ഓഫീസുകളിലോ കോളജുകളിലോ സ്കൂളിലോ പോകരുത്. ഗുരുതര രോഗങ്ങളുള്ളവര് പനി പോലുള്ള രോഗലക്ഷണം കണ്ടാല് പരിശോധന നടത്തി കോവിഡ് ആണോ അല്ലയോ എന്ന് ഉറപ്പുവരുത്തേണ്ടതാണ്. ഹോം ഐസലോഷന് സംബന്ധിച്ച മാര്ഗനിര്ദേശങ്ങള് പുറത്തിറക്കിയിട്ടുണ്ട്.
അഞ്ചു വയസ്സിന് മുകളിലുള്ള എല്ലാവരും മാസ്ക് ധരിക്കാന് ശ്രദ്ധിക്കണം. അഞ്ചു വയസ്സില് താഴെ പ്രായമുള്ള കുട്ടികള് മാസ്ക് ധരിക്കേണ്ടെന്നാണ് പുതിയമാര്ഗനിര്ദേശം വ്യക്തമാക്കുന്നത്. പനി ലക്ഷണങ്ങള് ഉണ്ടെങ്കില് ആരോഗ്യപ്രവര്ത്തകര് ടെസ്റ്റ് ചെയ്ത് കോവിഡ് ഇല്ലെന്ന് ഉറപ്പാക്കിയ ശേഷം മാത്രമോ ആശുപത്രികളില് ജോലിക്കെത്താവൂ എന്ന് മന്ത്രി നിര്ദേശിച്ചു.