സംസ്ഥാനത്ത് ഇന്ന് സമ്പൂര്ണ ലോക്ക് ഡൗൺ. അവശ്യ മേഖലകള്ക്ക് മാത്രമാകും പ്രവര്ത്തനാനുമതി. കോവിഡ് നിയന്ത്രണത്തിനായുള്ള രാത്രികാല കര്ഫ്യൂ തുടരും. എല്ലാ ദിവസവും രാത്രി പത്ത് മുതല് ആറുവരെയാണ് കര്ഫ്യൂ.
ആരാധാനലയങ്ങളിൽ പോകുന്നതിനും വിവാഹങ്ങള്ക്കും ഗൃഹപ്രവേശനങ്ങള്ക്കും സംസ്കാരചടങ്ങുകൾക്കും യാത്ര ചെയ്യാം. കടകളുടെ സമയം രാവിലെ ഏഴ് മുതല് രാത്രി ഏഴ് വരെയാണ്. ആരോഗ്യപ്രവര്ത്തകരുടെ യാത്രയ്ക്ക് മാത്രമാകും കെഎസ്ആര്ടിസി സര്വീസ് നടത്തുക.
അതേസമയം ഞായറാഴ്ച ലോക്ക് ഡൗണും രാത്രി കർഫ്യൂവും തുടരുന്ന കാര്യത്തിൽ ചൊവ്വാഴ്ച ചേരുന്ന അവലോകനയോഗം തീരുമാനമെടുക്കും. ഞായറാഴ്ച ലോക്ക് ഡൗണും രാത്രികാല കർഫ്യൂവും പ്രായോഗികമല്ലെന്നാണ് ആരോഗ്യമേഖലയിലെ രാജ്യാന്തര വിദഗ്ധര് അഭിപ്രായപ്പെടുന്നത്. ജനജീവിതം സാധാരണ നിലയിലേക്ക് എത്തുന്ന തരത്തിലുള്ള തീരുമാനങ്ങളെ കുറിച്ച് ആലോചിക്കുന്നതായി മുഖ്യമന്ത്രി ഇന്നലെ വ്യക്തമാക്കിയിരുന്നു.
കോവിഡ് പ്രതിരോധ വാക്സിനേഷൻ പൂർത്തിയായാലും കോവിഡ് പൂർണമായും വിട്ടുപോവില്ലെന്നാണ് വിദഗ്ധർ പറയുന്നത്. വാക്സിനേഷൻ താരതമ്യേന കുറഞ്ഞരീതിയിൽ നടന്ന തദ്ദേശ സ്വയംഭരണ സ്ഥാപനങ്ങളുടെ പരിധിയിൽ പ്രത്യേക വാക്സിനേഷൻ യജ്ഞം നടത്താനും തീരുമാനമുണ്ട്.