സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്. കെഎസ്യു സംസ്ഥാന കമ്മിറ്റിയുടെ നേതൃത്വത്തില് നടത്തിയ സെക്രട്ടേറിയേറ്റ് മാര്ച്ചില് പ്രവര്ത്തകര്ക്കു നേരെ നടത്തിയ പൊലീസ് അതിക്രമത്തില് പ്രതിഷേധിച്ചാണ് കെഎസ്യു സംസ്ഥാന വ്യാപകമായി വിദ്യാഭ്യാസ ബന്ദിന് ആഹ്വാനം ചെയ്തത്. സര്ക്കാരിന്റെ വികലമായ വിദ്യാഭ്യാസ നയത്തിനെതിരെയാണ് കെഎസ്യു സംസ്ഥാന കമ്മിറ്റി സെക്രട്ടറിയേറ്റ് മാര്ച്ച് സംഘടിപ്പിച്ചത്. സെക്രട്ടേറിയേറ്റ് മാര്ച്ചിനിടെ നിരവധി പ്രവര്ത്തകര്ക്ക് പരുക്കേറ്റിട്ടുണ്ട്. പൊലീസ് പ്രവര്ത്തകര്ക്ക് നേരെ ജലപീരങ്കി പ്രയോഗിച്ചു. ലാത്തി ചാര്ജ് നടത്തി. പൊലീസിന് നേരെ കല്ലേറുണ്ടായി. സമരത്തിനിടെ കെഎസ്യു സംസ്ഥാന അധ്യക്ഷന് അലോഷ്യസ് സേവ്യറിന് പരുക്കേറ്റു.