ഇല്ലാതായിക്കൊണ്ടിരിക്കുന്ന കാര്ഷിക സംസ്കാരത്തെ തിരിച്ചുപിടിക്കാന് കഴിയട്ടെയെന്ന സന്ദേശമുയര്ത്തി മുഖ്യമന്ത്രി പിണറായി വിജയന് മുഴുവന് മലയാളികള്ക്ക് വിഷു ആശംസകള് നേര്ന്നു. സമ്പന്നമായ നമ്മുടെ കാര്ഷിക സംസ്കാരത്തിന്റെ ഓര്മ്മപ്പെടുത്തലാണ് വിഷു. ഐശ്വര്യപൂര്ണമായ നാളയെ വരവേല്ക്കുന്നതിനുള്ള ഈ ആഘോഷത്തില് മലയാളികള് ഒത്തൊരുമയോടെ പങ്കെടുക്കുകയാണ്.
വര്ഗീയതയും വിഭാഗീയതയും പറഞ്ഞ് നമ്മെ ഭിന്നിപ്പിക്കാന് ശ്രമിക്കുന്ന പ്രതിലോമശക്തികളെ കരുതിയിരിക്കണം. ഉന്നതമായ മനുഷ്യസ്നേഹത്തിലൂന്നിയ ഐക്യം കൊണ്ട് ഈ ശക്തികള്ക്ക് മറുപടി നല്കാന് നമുക്ക് സാധിക്കണമെന്നും സമത്വവും സാഹോദര്യവും പുലരുന്ന നല്ലകാലത്തെ വരവേല്ക്കാന് നമുക്കൊരുമിച്ച് നില്ക്കാമെന്നും മുഖ്യമന്ത്രി സന്ദേശത്തില് പറഞ്ഞു.