നിയമസഭാ തിരഞ്ഞെടുപ്പില് എല്ഡിഎഫിനെ മുഖ്യമന്ത്രി പിണറായി വിജയന് തന്നെ നയിക്കും. സിപിഎം പിബി യോഗത്തിനു ശേഷം നടത്തിയ വാര്ത്താസമ്മേളനത്തില് ജനറല് സെക്രട്ടറി എം.എം.ബേബിയാണ് പ്രഖ്യാപനം നടത്തിയത്. പിണറായി വിജയന്റെ നേതൃത്വത്തിലാകും കേരളത്തില് എല്ഡിഎഫ് തിരഞ്ഞെടുപ്പിനെ നേരിടുക. ആരൊക്കെ മത്സരിക്കുമെന്ന് നാലഞ്ചുദിവസത്തിനുള്ളില് അറിയാമെന്നും മാര്ച്ച് ആദ്യവാരം സ്ഥാനാര്ഥി പട്ടിക പുറത്തുവരുമെന്നും എം.എ.ബേബി പറഞ്ഞു.
പിണറായി വിജയന് മുഖ്യമന്ത്രി സ്ഥാനാര്ഥിയാണെന്ന് പറയാന് എംഎ ബേബി തയ്യാറായില്ല. മുഖ്യമന്ത്രി ആരെന്നത് വിജയിച്ചതിന് ശേഷം തീരുമാനിക്കുന്നതാണ് പാര്ട്ടിയുടെ രീതിയെന്ന് സിപിഎം ജനറല് സെക്രട്ടറി പറഞ്ഞു.
മുഖ്യമന്ത്രി ആരെന്നത് ഭൂരിപക്ഷം ലഭിച്ചതിനു പിന്നാലെ തീരുമാനിക്കുമെന്നാണ് ബേബി പറഞ്ഞത്. പിണറായി വിജയന് തന്നെ പാര്ട്ടിയെ നയിക്കണമെന്ന് സിപിഎം കേരള ഘടകം കേന്ദ്രനേതൃത്വത്തോട് ആവശ്യപ്പെട്ടിരുന്നു. 75 വയസ്സെന്ന പ്രായപരിധിയില് പിണറായിക്ക് നേരത്തേ പോളിറ്റ് ബ്യൂറോയില് ഇളവ് നല്കിയിരുന്നു.