ക്ഷേത്രക്കുളത്തില് മൃതദേഹം കണ്ടതിനെ തുടര്ന്ന് അമ്പലപ്പുഴ ശ്രീകൃഷ്ണ സ്വാമി ക്ഷേത്രം അടച്ചു. അമ്പലപ്പുഴ സ്വദേശി മുകേഷിന്റെ മൃതദേഹമാണ് ക്ഷേത്രക്കുളത്തില് കണ്ടത്. ഇയാളെ നേരത്തേ കാണാതായതിന് പിന്നാലെ നാട്ടുകാര് തെരച്ചില് നടത്തിയിരുന്നു.
ക്ഷേത്രക്കുളത്തിന്റെ കല്പ്പടവില് നിന്ന് യുവാവിന്റെ ചെരുപ്പ് നാട്ടുകാര് കണ്ടെടുത്തതിന് പിന്നാലെ കുളത്തില് ഫയര്ഫോഴ്സ് ഉദ്യോഗസ്ഥര് നടത്തിയ തെരച്ചിലിലാണ് മൃതദേഹം കണ്ടെടുത്തത്. മൃതദേഹം ആശുപത്രിയിലേക്ക് മാറ്റി. പോസ്റ്റ്മോര്ട്ടം പരിശോധനയടക്കം പൂര്ത്തിയാക്കിയ ശേഷം മൃതദേഹം ബന്ധുക്കള്ക്ക് വിട്ടുകൊടുത്തു.
ഇതിനിടയിലാണ് ക്ഷേത്രം തത്കാലികമായി അടച്ചത്. ഇനി ക്ഷേത്രക്കുളം വറ്റിച്ച്, പരിഹാര ക്രിയകള് നടത്തിയ ശേഷം മാത്രമേ ക്ഷേത്രം തുറക്കൂ എന്നും ഭരണസമിതി അറിയിച്ചു.