കോഴിക്കോട് പേരാമ്പ്രയില് തെരുവുനായയുടെ ആക്രമണത്തിന് ഇരയായി ചികിത്സയിലായിരുന്ന വീട്ടമ്മ മരിച്ചു. കൂത്താളി രണ്ടേ ആറില് പുതിയേടത്ത് ചന്ദ്രിക (53) ആണ് മരിച്ചത്. കഴിഞ്ഞ മാസം 21നാണ് ചന്ദ്രികയ്ക്ക് തെരുവുനായയുടെ കടിയേറ്റത്. തുടര്ന്ന് ് പേവിഷബാധയ്ക്ക് എതിരായ വാക്സിനും എടുത്തിരുന്നു.
ചന്ദ്രികയുടെ മുഖത്താണ് നായ ആക്രമിച്ചത്. അന്ന് തന്നെ എട്ടോളം പേര്ക്ക് തെരുവുനായയുടെ കടിയേറ്റിരുന്നു. ശാരീരിക അസ്വസ്ഥതകള് അനുഭവപ്പെട്ടതിനെ തുടര്ന്ന് പത്ത് ദിവസം മുമ്പാണ് ചന്ദ്രികയെ കോഴിക്കോട് മെഡിക്കല് കോളജില് പ്രവേശിപ്പിച്ചത്. ചികിത്സയിലിരിക്കെ ശനിയാഴ്ച്ചയാണ് മരിച്ചത്.
പേവിഷ ബാധയേറ്റാണ് മരണമെന്നാണ് പ്രാഥമിക നിഗമനം. ഇക്കാര്യം സ്ഥിരീകരിക്കാന് കൂടുതല് പരിശോധന ഫലങ്ങള് വരാനുണ്ടെന്ന് ആരോഗ്യവകുപ്പ് അധികൃതര് അറിയിച്ചു. അതേസമയം ചന്ദ്രിക കൃത്യമായി വാക്സിനുകള് എടുത്തിരുന്നുവെന്നാണ് കുടുംബം പറയുന്നത്.