വാല്പാറയില് കരടിയുടെ ആക്രമണത്തില് തോട്ടം തൊഴിലാളിയായ യുവതിക്ക് ഗുരുതര പരിക്ക്. ഇഞ്ചിപ്പാറ എസ്റ്റേറ്റിലെ തൊഴിലാളിയും ജാര്ഖണ്ഡ് സ്വദേശിനിയുമായ സബിതയ്ക്കാണ് പരിക്കേറ്റത്.
രാവിലെ അഞ്ചരയോടെ വീടിന് പുറത്തേക്ക് ഇറങ്ങിയ സബിതയുടെ മേല് കരടി ചാടി വീഴുകയായിരുന്നു. കൈയിലും കാലിലും ഗുരുതരമായി പരുക്കേറ്റ യുവതിയെ വാല്പാറയിലെ സര്ക്കാര് ആശുപത്രിയിലും തുടര്ന്ന് പൊള്ളാച്ചിയിലേക്കും മാറ്റി.
അങ്കമാലിയില് ടൂറിസ്റ്റ് ബസും കെഎസ്ആര്സിടി ബസും കൂട്ടിയിടിച്ചു: ഒരു മരണം
അങ്കമാലിയില് ടൂറിസ്റ്റ് ബസും കെഎസ്ആര്സിടി ബസും കൂട്ടിയിടിച്ചു. സംഭവത്തില് ഒരാള് മരിച്ചു. കെഎസ്ആര്സിടി ബസിലെ യാത്രക്കാരിയായ മലപ്പുറം ചെമ്മാട് സ്വദേശി സലീന (38) ആണ് മരിച്ചത്. ഇടിയുടെ അഘാതത്തില് സലീന റോഡിലേക്ക് തെറിച്ച് വീഴുകയായിരുന്നു.
കെഎസ്ആര്ടിസി ബസ് സ്റ്റാന്ഡിന്റെ മുമ്പില് വെച്ചാണ് അപകടം സംഭവിച്ചത്. ബസ് സ്റ്റാന്ഡിലേക്ക് പ്രവേശിക്കാന് തിരിയുന്നതിനിടെ ടൂറിസ്റ്റ് ബസ് വന്ന് കെഎസ്ആര്ടിസി ബസിന്റെ ഒരുവശത്ത് ഇടിക്കുകയായിരുന്നു. അപകടത്തില് മറ്റാര്ക്കും പരിക്കില്ല.