ലഹരി വിമുക്ത പ്രവര്ത്തകന് ലഹരി ഗുളികകളുമായി പിടിയില്. മുവാറ്റുപുഴ സ്വദേശി ശ്യാം(29) ആണ് പിടിയിലായത്. 20 ലഹരി ഗുളികള് ഇയാളില് നിന്ന് കണ്ടെടുത്തു. ലഹരിക്ക് അടിമപെട്ട യുവാക്കളെ ലഹരി വിമുക്ത കേന്ദ്രത്തിലേക്ക് എത്തിച്ചിരുന്നയാളാണ് ശ്യാം.
വാഹന പരിശോധനയ്ക്കിടെയാണ് ഇയാള് പിടിയിലായത്. എക്സൈസ് കണ്ടതോടെ പ്രതി ഓടി രക്ഷപ്പെടാന് ശ്രമിച്ചിരുന്നു. എന്നാല് ഇയാളെ പിന്തുടര്ന്ന് പിടികൂടുകയായിരുന്നു. ഓടി രക്ഷപ്പെടാന് ശ്രമിക്കുന്നതിന്റെ ഇടയില് ബൈക്കില് സൂക്ഷിച്ചിരുന്ന ലഹരി ഗുളികള് എറിഞ്ഞു കളഞ്ഞതായും ഉദ്യോഗസ്ഥര് പറഞ്ഞു. അവശേഷിക്കുന്ന ഗുളികളാണ് പ്രതിയില് നിന്ന് കണ്ടെടുത്തത്.
വിദ്യാര്ത്ഥികള്ക്കാണ് ഇയാള് ലഹരി ഗുളിക വില്പന നടത്തിയിരുന്നത്. ഇയാള്ക്ക് എവിടെ നിന്നാണ് ഗുളികകള് ലഭിച്ചതെന്ന് കണ്ടെത്താന് വിശദമായ അന്വേഷണം നടത്തുമെന്നും എക്സൈസ് ഉദ്യോഗസ്ഥര് പറഞ്ഞു.