ലോക്സഭ തിരഞ്ഞെടുപ്പിന് മുന്നോടിയായി കോണ്ഗ്രസില് വീണ്ടും കൊഴിഞ്ഞുപോക്ക്. തിരുവനന്തപുരം നഗരസഭ മുന് പ്രതിപക്ഷ നേതാവ് മഹേശ്വരന് നായരാണ് ഒടുവില് കോണ്ഗ്രസില് നിന്ന് പടിയിറങ്ങി ബിജെപിയില് ചേര്ന്നത്. കെ കരുണാകരന്റെ മകള്ക്ക് പിന്നാലെ കൂടുതല് കൊഴിഞ്ഞുപോക്ക് കോണ്ഗ്രസിന് തിരിച്ചടി നല്കുന്നുണ്ട്.
മുന് മുഖ്യമന്ത്രി കെ കരുണാകരന്റെ വിശ്വസ്തനായിരുന്നു മഹേശ്വരന് നായര്. കെപിസിസി എക്സിക്യൂട്ടിവ് അംഗവുമായിരുന്നു ബിജെപിയില് ചേര്ന്ന മഹേശ്വരന് നായര്. പത്മജ വേണുഗോപാല് കോണ്ഗ്രസ് വിട്ടതിന് പിന്നാലെ പത്മിനി തോമസും തമ്പാനൂര് സതീഷും ബിജെപിയില് ചേര്ന്നിരുന്നു.
മുന് തിരുവനന്തപുരം ഡിസിസി ജനറല് സെക്രട്ടറിയായിരുന്നു തമ്പാനൂര് സതീഷ്. കെപിസിസി പുനഃസംഘടനയില് അര്ഹമായ പ്രാതിനിധ്യം നല്കിയില്ലെന്ന് ആരോപിച്ചായിരുന്നു സതീഷ് പാര്ട്ടി വിട്ടത്. കോണ്ഗ്രസ് വിട്ട പത്മിനി തോമസ് മുന് സ്പോര്ട്സ് കൗണ്സില് അധ്യക്ഷയായിരുന്നു. കോണ്ഗ്രസില് സ്ത്രീകള്ക്ക് അര്ഹമായ പരിഗണന ലഭിക്കുന്നില്ലെന്ന് പത്മിനി തോമസ് ആരോപിച്ചിരുന്നു.