തമിഴ്നാട് മുഖ്യമന്ത്രിയായി ചുമതലയേറ്റ ജോസഫ് വിജയ്യെ അഭിനന്ദിച്ച് കോൺഗ്രസ് നേതാവ് രമേശ് ചെന്നിത്തല. തമിഴ്നാടിന്റെ ചരിത്രത്തിൽ ഒരു പുതിയ യുഗം പിറക്കുകയാണെന്ന് പറഞ്ഞ രമേശ് ചെന്നിത്തല കോൺഗ്രസ് അടക്കമുള്ള ജനാധിപത്യ മതേതര കക്ഷികളുടെ പിന്തുണയോടെയാണ് വിജയ്യുടെ ടിവികെ സർക്കാർ അധികാരത്തിലേറുന്നതെന്നും കൂട്ടിച്ചേർത്തു.ഇത് വലിയ സന്തോഷമുള്ള കാര്യമാണ് എന്നും രമേശ് ചെന്നിത്തല ഫേസ്ബുക്ക് പോസ്റ്റിൽ പറഞ്ഞു.
ഇന്ത്യയുടെ ചരിത്രത്തിൽ സവിശേഷമായ സ്ഥാനമാണ് തമിഴ്നാടിനുള്ളത്. തമിഴ് ജനതയുടെ ആഗ്രഹാഭിലാഷങ്ങൾ പൂർത്തീകരിക്കാൻ വിജയ്ക്ക് കഴിയട്ടെ എന്ന് ആശംസിക്കുന്നു. സംസ്ഥാനങ്ങൾ തമ്മിലുള്ള ബന്ധങ്ങൾ ഊട്ടിയുറപ്പിക്കാനും ഇന്ത്യൻ ജനാധിപത്യത്തിന്റെ ജീവനാഡിയായ ഫെഡറൽ വ്യവസ്ഥയുടെ മൂല്യങ്ങൾ ഉയർത്തിപ്പിടിക്കാനും വിജയ്ക്ക് കഴിയട്ടെ എന്നും രമേശ് ചെന്നിത്തല പറഞ്ഞു.
ഫേസ്ബുക്ക് പോസ്റ്റ്
തമിഴ്നാട് മുഖ്യമന്ത്രി ജോസഫ് വിജയ്ക്ക് അഭിനന്ദനങ്ങൾ. തമിഴ്നാടിന്റെ ചരിത്രത്തിൽ ഒരു പുതിയ യുഗം പിറക്കുകയാണ്. കോൺഗ്രസ് അടക്കമുള്ള ജനാധിപത്യ മതേതര കക്ഷികളുടെ പിന്തുണയോടെയാണ് വിജയ്യുടെ ടി.വി.കെ സർക്കാർ അധികാരത്തിലേറുന്നത്. ഇത് വലിയ സന്തോഷമുള്ള കാര്യമാണ്. ഇന്ത്യയുടെ ചരിത്രത്തിൽ സവിശേഷമായ സ്ഥാനമാണ് തമിഴ്നാടിനുള്ളത്. തമിഴ് ജനതയുടെ ആഗ്രഹാഭിലാഷങ്ങൾ പൂർത്തീകരിക്കാൻ വിജയ്ക്ക് കഴിയട്ടെ എന്ന് ആശംസിക്കുന്നു. സംസ്ഥാനങ്ങൾ തമ്മിലുള്ള ബന്ധങ്ങൾ ഊട്ടിയുറപ്പിക്കാനും ഇന്ത്യൻ ജനാധിപത്യത്തിന്റെ ജീവനാഡിയായ ഫെഡറൽ വ്യവസ്ഥയുടെ മൂല്യങ്ങൾ ഉയർത്തിപ്പിടിക്കാനും അദ്ദേഹത്തിന് കഴിയട്ടെ.