നടി പ്രിയങ്ക ചോപ്രയുടെ കരിയറില്‍ വലിയ വിവാദമുണ്ടാക്കിയ സംഭവമായിരുന്നു മുതിര്‍ന്ന നടന്‍ അനു കപൂറുമായുണ്ടായ വാക് പോര്. അനു കപൂറും പ്രിയങ്ക ചോപ്രയും സാത്ത് കൂണ്‍ മാഫ് എന്ന ചിത്രത്തെ കുറിച്ചായിരുന്നു ഇത്. ഈ സിനിമയില്‍ പ്രിയങ്കയുടെ ഭര്‍ത്താക്കന്മാരില്‍ ഒരാളായാണ് അനു കപൂര്‍ അഭിനയിച്ചത്. എന്നാല്‍ തനിക്കൊപ്പം ഇന്റിമേറ്റ് രംഗങ്ങള്‍ ചെയ്യാന്‍ പ്രിയങ്ക തയ്യാറായിരുന്നില്ലെന്നും താന്‍ സുന്ദരനും ചെറുപ്പക്കാരനുമല്ല എന്നുള്ളതായിരുന്നു കാരണമെന്നുമാണ് അദ്ദേഹം അന്ന് പറഞ്ഞത്.
രണ്ട് തവണ ദേശീയ പുരസ്‌കാരം നേടിയ മുതിര്‍ന്ന നടനാണ് അനു കപൂര്‍. താനൊരു നായകനടനായിരുന്നുവെങ്കില്‍ പ്രിയങ്ക ചുംബനരംഗം ചെയ്യാന്‍ തയ്യാറാകുമായിരുന്നുവെന്നാണ് അനു കപൂര്‍ പറഞ്ഞത്. എന്നാല്‍ പിന്നീട് ഒരു അഭിമുഖത്തില്‍ അനു കപൂറിന്റെ ഈ ആരോപണത്തിന് മറുപടിയുമായി പ്രിയങ്ക ചോപ്ര രംഗത്തെത്തുകയായിരുന്നു.
”അനു സാര്‍ പറഞ്ഞത് ഞാന്‍ വായിച്ചു. അദ്ദേഹത്തിന് ഇന്റിമേറ്റ് രംഗങ്ങള്‍ ചെയ്യണമെങ്കില്‍ അങ്ങനെയുള്ള സിനിമകള്‍ ചെയ്യണം. ഞങ്ങളുടെ സിനിമയില്‍ അത്തരം രംഗങ്ങളില്ല. എനിക്ക് നല്ല ദേഷ്യമുണ്ട്. അദ്ദേഹം അങ്ങനെ പറയാന്‍ പാടില്ല. തന്റെ വാക്കുകള്‍ എന്ന വേദനിപ്പിക്കുമെന്ന് അദ്ദേഹം ചിന്തിച്ചു കാണില്ല. അദ്ദേഹം പറഞ്ഞത് തെറ്റാണ്” എന്നായിരുന്നു പ്രിയങ്കയുടെ പ്രതികരണം.