ആരാധകരുടെ ബിഗ് ബോസ് മലയാളം സീസണ് നാലിന്റെ വിജയിയായി ദില്ഷ പ്രസന്നന്. ബിഗ് ബോസ് മലയാളത്തിന്റെ ചരിത്രത്തില് ഇതാദ്യമായാണ് ഒരു പെണ്കുട്ടി വിജയി ആവുന്നത്. സാബുമോന്, മണിക്കുട്ടന് എന്നിവരായിരുന്നു മുന്പുള്ള സീസണുകളിലെ വിജയികള്.
പ്രവചനാതീതമായിരുന്നു ഇത്തവണത്തെ ബിഗ് ബോസ് സീസണ്. അവസാനഘട്ടം വരെ ബ്ലെസ്ലി, ദില്ഷ, റിയാസ് എന്നിവര് തമ്മില് കടുത്ത മത്സരമാണ് നടന്നത്. ഫസ്റ്റ് റണ്ണറപ്പ് ആയി ബ്ലെസ്ലിയും സെക്കന്റ് റണ്ണറപ്പ് ആയി റിയാസ് സലിമും തിരഞ്ഞെടുക്കപ്പെട്ടു.
നാലാം സ്ഥാനം ലക്ഷ്മി പ്രിയയും അഞ്ചാം സ്ഥാനം ധന്യ മേരി വര്ഗീസും ആറാം സ്ഥാനം സൂരജും സ്വന്തമാക്കി. 20 മത്സരാര്ത്ഥികളാണ് ഇത്തവണ ബിഗ് ബോസ് സീസണില് മാറ്റുരച്ചത്. പ്രശസ്ത ചലച്ചിത്രതാരങ്ങളായ സൂരജ് വെഞ്ഞാറമൂട്, പ്രജോദ് കലാഭവന്, നോബി , വീണ നായര്, ലാല്ബാബു തുടങ്ങിയവര് അവതരിപ്പിക്കുന്ന കോമഡി സ്കിറ്റ്,
കണ്ടെംപററി ഡാന്സുകള്, ചലച്ചിത്രപിന്നണി ഗായകരായ സയനോര ഫിലിപ്പ്, ഇന്ദുലേഖ, മ്യൂസിഷ്യന് അരുണ് വര്ഗീസ് എന്നിവര് ഒരുക്കുന്ന സംഗീതവിരുന്ന് എന്നിവയും ഗ്രാന്ഡ് ഫിനാലെയുടെ ഭാഗമായി ഉണ്ടായിരുന്നു.