എറണാകുളം ഷൂട്ടിംഗ് ലൊക്കേഷനിലേക്ക് യൂത്ത് കോണ്ഗ്രസ് മാര്ച്ച്. ശ്രീനിവാസന്, വിജയ് ബാബു, രജിഷ വിജയന് എന്നിവര് അഭിനയിക്കുന്ന കീടം എന്ന ചിത്രത്തിന്റെ ലൊക്കേഷനിലേക്കാണ് പ്രതിഷേധ മാര്ച്ചുമായി യൂത്ത് കോണ്ഗ്രസ് എത്തിയത്. എറണാകുളം പുത്തന്കുരിശ് പള്ളിക്ക് സമീപമുള്ള ഗസ്റ്റ് ഹൗസിലായിരുന്നു ചിത്രീകരണം.
റോഡ് കൈയ്യേറിയുള്ള ഷൂട്ടിങ്, സര്ക്കാര് ഗസ്റ്റ് ഹൗസ് ചിത്രീകരണത്തിന് ഉപയോഗിച്ചു എന്നീ കാരണങ്ങള് പറഞ്ഞാണ് യൂത്ത് കോണ്ഗ്രസ് പ്രതിഷേധം സംഘടിപ്പിച്ചത്. രാഹുല് റിജി നായര് ആണ് കീടം സിനിമ സംവിധാനം ചെയ്യുന്നത്.
കഴിഞ്ഞ ദിവസം പൃഥ്വിരാജ്-ഷാജി കൈലാസ് ചിത്രം കടുവയുടെ ലൊക്കേഷനിലേക്കും യൂത്ത് കോണ്ഗ്രസ് പ്രവര്ത്തകര് മാര്ച്ച് നടത്തിയിരുന്നു. കോട്ടയം കാഞ്ഞിരപ്പള്ളിയിലെ കടുവയുടെ സെറ്റിലേക്കാണ് യൂത്ത് കോണ്ഗ്രസ് മാര്ച്ച് നടത്തിയത്.
വഴി തടഞ്ഞ് ചിത്രീകരണം നടത്തിയെന്ന് ആരോപിച്ചായിരുന്നു പ്രതിഷേധം. ചിറക്കടവ് മണ്ഡലം കമ്മിറ്റി ആണ് മാര്ച്ച് നടത്തിയത്. പ്രതിഷേധ പ്രകടനത്തിനിടെ നടന് ജോജു ജോര്ജിനെതിരെയും മുദ്രാവാക്യങ്ങള് ഉയര്ന്നിരുന്നു.