'ഹനുമാന്‍' തിയേറ്ററില്‍ എത്തി, അലറി വിളിച്ച് കിടന്നുരുണ്ട് യുവതി; വീഡിയോ വൈറല്‍

‘ആദിപുരുഷ്’ സിനിമയുടെ റിലീസിന് മുമ്പ് ഹനുമാനായി ഒരു സീറ്റ് ഒഴിച്ചിടണമെന്ന പ്രഖ്യാപനം ട്രോളുകളില്‍ നിറഞ്ഞ സംഭവമായിരുന്നു. കേരളത്തില്‍ ഒഴികെ മറ്റ് പല സംസ്ഥാനങ്ങളിലും ഒരു സീറ്റ് ഒഴിച്ചിടുകയും കുരങ്ങന്‍ തിയേറ്ററില്‍ എത്തിയ വീഡിയോകളും ദൃശ്യങ്ങളും ട്രോളന്മാര്‍ ആഘോഷിച്ചിരുന്നു. അന്ന് ആദിപുരുഷ് ആണ് എയറില്‍ ആയതെങ്കില്‍ ഇന്ന് ശ്രദ്ധ നേടുന്നത് തെലുങ്കില്‍ നിന്നുള്ള മറ്റൊരു സിനിമയാണ്.

തെലുങ്കില്‍ സര്‍പ്രൈസ് ഹിറ്റ് ആയിരിക്കുകയാണ് തേജ സജ്ജ നായകനായി എത്തിയ ‘ഹനുമാന്‍’. ജനുവരി 12ന് റിലീസ് ചെയ്ത ചിത്രം ദിവസങ്ങള്‍ക്കുള്ളില്‍ 250 കോടി കടന്നിരിക്കുകയാണ്. സിനിമ പ്രദര്‍ശിപ്പിച്ച ഒരു തിയേറ്ററില്‍ നിന്നുള്ള കൗതുകകരമായ വാര്‍ത്തയാണ് ശ്രദ്ധ നേടുന്നത്. ഹൈദരാബാദിലെ ഉപ്പലിലുള്ള ഏഷ്യന്‍ മാളിലെ തിയേറ്ററില്‍ നിന്നുള്ള വീഡിയോയാണ് ശ്രദ്ധ നേടുന്നത്.

സിനിമയുടെ ക്ലൈമാക്‌സിന് അടുത്തുള്ള ഗാനരംഗം കണ്ട ഒരു സ്ത്രീ നിലവിളിക്കുകയും അടുത്തിരിക്കുന്നവരുടെയും നിലത്തും വീണ് ഉരുളുന്നതുമാണ് വീഡിയോയിലുള്ളത്. ഗാനരംഗത്ത് ഹനുമാന്റെ രൂപം കണ്ടാണ് ഈ സ്ത്രീ ഇത്തരത്തില്‍ പെരുമാറിയത് എന്ന റിപ്പോര്‍ട്ടുകളോടെയാണ് വീഡിയോ പ്രചരിക്കുന്നത്.

ഇതിനെതിരെ വിമര്‍ശന കമന്റുകളാണ് സോഷ്യല്‍ മീഡിയയില്‍ നിറയുന്നത്. നമ്മള്‍ ആധുനിക യുഗത്തിലാണ് ജീവിക്കുന്നതെന്നും ആ സ്ത്രീയ്ക്ക് വല്ല മാനസിക പ്രശ്‌നവും ഉണ്ടാകും എന്നുള്ള കമന്റുകളാണ് എത്തുന്നത്. എന്നാല്‍ സ്ത്രീയില്‍ നെഗറ്റീവ് എനര്‍ജി ഉണ്ടായിരുന്നു, അതാണ് ഹനുമാന്റെ രൂപം കണ്ട് അലറി വിളിച്ചത് എന്നുള്ള കമന്റുകളും വരുന്നുണ്ട്.

അതേസമയം, പ്രശാന്ത് വര്‍മ്മയാണ് സംവിധാനം. അമൃത അയ്യര്‍, വരലക്ഷ്മി ശരത്കുമാര്‍, വിനയ് റായ്, രാജ് ദീപക് ഷെട്ടി, വെണ്ണെല കിഷോര്‍, സമുദ്രക്കനി, ഗെറ്റപ്പ് ശ്രീനു, സത്യ, രോഹിണി, രാകേഷ് മാസ്റ്റര്‍ തുടങ്ങിയവരാണ് ചിത്രത്തില്‍ പ്രധാന വേഷത്തില്‍ എത്തിയത്.

Latest Stories

ആലപ്പുഴയില്‍ നിര്‍മ്മാണത്തിലിരിക്കുന്ന പാലത്തിന്റെ സ്പാന്‍ തകര്‍ന്നുവീണു; വെള്ളത്തില്‍ വീണ ഒരാളുടെ മൃതദേഹം കണ്ടെത്തി

കന്യാസ്ത്രീകളുടെ മോചനത്തിന് നന്ദി; ബിജെപി ഓഫീസില്‍ കേക്കുമായി ക്രൈസ്തവ നേതാക്കള്‍

IND vs ENG: "സൂപ്പർമാൻ ഫ്രം ഇന്ത്യ"; ഇന്ത്യയുടെ ചരിത്ര വിജയത്തിൽ പ്രതികരണവുമായി സച്ചിൻ ടെണ്ടുൽക്കർ

'ഗുരുക്കന്മാര്‍ പറഞ്ഞുകൊടുക്കുന്നതില്‍ എന്താണ് തെറ്റ്?'; അടൂര്‍ ഗോപാലകൃഷ്ണന്റെ വിവാദ പരാമര്‍ശങ്ങളെ ന്യായീകരിച്ച് മുകേഷ് എംഎല്‍എ

അടൂരിന്റെ പരാമര്‍ശം കേസെടുക്കാവുന്ന കുറ്റം; നടക്കുന്നത് പഴയ ഫ്യൂഡല്‍ വ്യവസ്ഥകളെ പുനഃസ്ഥാപിക്കുന്നതിനുള്ള ശ്രമങ്ങളെന്ന് കെ രാധാകൃഷ്ണന്‍ എംപി

ഐസിസി വേൾഡ് ടെസ്റ്റ് ചാമ്പ്യൻഷിപ്പ് പോയിന്റ് പട്ടിക: ഇന്ത്യ-ഇംഗ്ലണ്ട് അഞ്ചാം ടെസ്റ്റിന് ശേഷം ഇങ്ങനെ

നിർമാണത്തിലിരിന്ന പാലത്തിന്റെ സ്പാൻ തകർന്ന് അപകടം; കാണാതായ തൊഴിലാളികളിൽ ഒരാൾ മരിച്ചു

'നമുക്കൊരു വൈകുന്നേരം ഒന്നിച്ചുകൂടാം', മോഹൻലാലിന്റെ അഭിനന്ദന സന്ദേശത്തിന് മറുപടിയുമായി ഷാരൂഖ് ഖാൻ

IND vs ENG: അതെ... സിറാജ്, നിങ്ങളൊരു യഥാർത്ഥ പോരാളിയാണ്; ഓവലിൽ ജയം പിടിച്ചുപറിച്ച് ഇന്ത്യ

IND vs ENG: "ജോലിഭാരം അല്ല"; ബുംറയുടെ അഭാവത്തിന്റെ യഥാർത്ഥ കാരണം വെളിപ്പെടുത്തി ബിസിസിഐ ഉദ്യോഗസ്ഥൻ