സൂപ്പര്സ്റ്റാര് മോഹന്ലാലും മകന് പ്രണവും കായികാഭ്യാസങ്ങള് ഇഷ്ടപ്പെടുന്നവരാണ്. പലപ്പോഴും ഫ്ളെക്സിബിലിറ്റിയുടെ കാര്യത്തില് മകന് അച്ഛന് മുകളിലെത്താറുമുണ്ട്. ഇപ്പോഴിതാ ഇരുവരെയും ഇക്കാര്യത്തില് തോല്പ്പിച്ചിരിക്കുകയാണ് കുടുംബത്തിലെ തന്നെ മറ്റൊരാള്.
കുങ്ഫു മുറകള് പരിശീലിക്കുന്ന വീഡിയോയുമായി എത്തിയിരിയ്ക്കുകയാണ് മോഹന്ലാലിന്റെ മകള് വിസ്മയ. തായ്ലന്ഡിലെ പൈ സന്ദര്ശനത്തെക്കുറിച്ചും അവിടെ പരിശീലിച്ച കുങ്ഫു മുറകളെക്കുറിച്ചുമുള്ള വിഡിയോയും ചിത്രങ്ങളുമാണ് താരപുത്രി പങ്കുവച്ചിരിക്കുന്നത്. ഒരു മൃഗശാലയില് നിന്നുള്ള ചിത്രങ്ങളും വിസ്മയ പോസ്റ്റിനൊപ്പം പങ്ക് വച്ചിട്ടുണ്ട്.
പൈയുമായി പ്രണയത്തിലായിയെന്ന് ഇന്സ്റ്റഗ്രാമില് പങ്ക് വെച്ച പോസ്റ്റില് വിസ്മയ കുറിച്ചു. മലനിരകളിലെ ഏറ്റവും മനോഹരമായ കാഴ്ചകളിലേക്കും പരിശീലനത്തിലേക്കുമായിരുന്നു ഞാന് ഉണര്ന്നിരുന്നതെന്നും വിസ്മയ പറയുന്നു. ഇന്സ്ട്രക്ടര്മാര് വളരെ ക്ഷമയോടെ പഠിപ്പിച്ചു എന്നും മാസ്റ്റര് എയിനും അദ്ദേഹത്തിന്റെ ടീമിനും നന്ദിയെന്നും വിസ്മയ കുറിച്ചു.