വിക്രം നായകനായെത്തുന്ന പുതിയ ചിത്രം ‘കോബ്ര’ നാളെ റിലീസ് ചെയ്യുകയാണ്. ഇപ്പോഴിതാ സിനിമയ്ക്കായി വിക്രം വന് തുക പ്രതിഫലമായി വാങ്ങുന്നു എന്ന റിപ്പോര്ട്ടുകളാണ് വരുന്നത്. ‘കോബ്ര’യ്ക്കായി 25 കോടി രൂപയാണ് വിക്രമിന്റെ പ്രതിഫലമെന്നാണ് ഇ ടൈംസ് റിപ്പോര്ട്ട് ചെയ്യുന്നത്.
സിനിമയുടെ മൊത്തം ബജറ്റിന്റെ 25 ശതമാനമാണിത്.ആര് അജയ് ജ്ഞാനമുത്തുവാണ് ചിത്രം സംവിധാനം ചെയ്യുന്നത്. ‘ഡിമോന്റി കോളനി’, ‘ഇമൈക്ക നൊടികള്’ എന്നീ സിനിമകള്ക്ക് ശേഷം അദ്ദേഹം ഒരുക്കുന്ന ചിത്രമാണ് കോബ്ര.
‘കെജിഎഫി’ലൂടെ ശ്രദ്ധേയായ നടി ശ്രീനിധി ഷെട്ടിയാണ് ചിത്രത്തിലെ നായിക. ഇന്ത്യന് ക്രിക്കറ്റ് താരമായ ഇര്ഫാന് പത്താനും സിനിമയില് പ്രധാന കഥാപാത്രത്തെ അവതരിപ്പിക്കുന്നുണ്ട്. തമിഴിന് പുറമെ തെലുങ്ക്, കന്നഡ ഭാഷകളിലും ചിത്രം റിലീസ് ചെയ്യും.
എ ആര് റഹ്മാനാണ് ചിത്രത്തിനായി സംഗീതം നിര്വഹിക്കുന്നത്. റോഷന് മാത്യു, മൃണാളിനി, മാമുക്കോയ, മിയ, ഹരീഷ് പേരടി തുടങ്ങിയ വന് താരനിര ചിത്രത്തിന്റെ ഭാഗമാകുന്നുണ്ട്. ബാബു ആന്റിണിയും ചിത്രത്തിലെ പ്രധാനമായ ഒരു വേഷത്തില് എത്തുന്നു. സെവന് സ്ക്രീന് സ്റ്റുഡിയോസിന്റെ ബാനറില് എസ് എസ് ലളിത് കുമാറാണ് ചിത്രം നിര്മ്മിക്കുന്നത്. ഹരീഷ് കണ്ണനാണ് ഛായാഗ്രഹണം. ഭുവന് ശ്രീനിവാസന് എഡിറ്റിങ്ങ്.