കഴിഞ്ഞമാസം 18 നാണ് തെന്നിന്ത്യൻ സൂപ്പർ താരം നയൻതാര തന്റെ മുപ്പത്തിയൊൻപതാം ജന്മദിനം ആഘോഷിച്ചത്. കരിയറിന്റെ ഏറ്റവും മികച്ച സമയങ്ങളിലൂടെ കടന്നുപോവുന്ന നയൻതാരയുടെ പിറന്നാൾ ആഘോഷവും സോഷ്യൽ മീഡിയയിൽ വൈറലായിരുന്നു. വിഗ്നേശിനും മക്കളായ ഉയിർ, ഉലക് എന്നിവർക്കുമൊപ്പമായിരുന്നു നയൻതാര പിറന്നാൾ ആഘോഷിച്ചത്.
ഇപ്പോഴിതാ തന്റെ ജീവിത പങ്കാളിക്ക് പിറന്നാൾ സമ്മാനം നൽകിയിരിക്കുകയാണ് വിഗ്നേശ് ശിവൻ. ജർമൻ ആഢംബര കാർ ബ്രാൻഡായ മെഴ്സിഡസ് ബെൻസ് മെയ്ബ ആണ് സമ്മാനമായി നൽകിയിരിക്കുന്നത്. വിഗ്നേശ് നൽകിയ സമ്മാനത്തിന് നന്ദി പറഞ്ഞുകൊണ്ട് നയൻതാര തന്നെയാണ് ഇൻസ്റ്റഗ്രാമിൽ ചിത്രങ്ങൾ പങ്കുവെച്ചത്.
2.60 കോടിക്കും 3.40 കോടിക്കും ഇടയിലാണ് മെഴ്സിഡസ് ബെൻസ് മെയ്ബയുടെ വില വരുന്നത്. ഇൻസ്റ്റഗ്രാം പോസ്റ്റിന് താഴെ നിരവധി ആരാധകരാണ് ആശംസകളുമായി വരുന്നത്.
ഏഴു വര്‍ഷത്തെ പ്രണയത്തിനു ശേഷം ജൂണ്‍ 9 നായിരുന്നു വിഗ്നേശ്- നയൻതാര ദമ്പതികളുടെ വിവാഹം. ഒക്ടോബർ 9 നാണ് ഇരട്ടകുട്ടികളായ ഉയിരും ഉലകും ജനിച്ചത്.