ദുല്ഖര് സല്മാന്, ശോഭന, സുരേഷ് ഗോപി, കല്യാണി പ്രിയദര്ശന് എന്നിവരെ കേന്ദ്ര കഥാപാത്രങ്ങളാക്കി അനൂപ് സത്യന് സംവിധാനം ചെയ്യുന്ന “വരനെ ആവശ്യമുണ്ട്”ന്റെ ട്രെയ്ലര് ശ്രദ്ധേയമാകുന്നു. എട്ട് ലക്ഷത്തിനടുത്ത് വ്യൂസുമായി യൂട്യൂബ് ട്രെന്ഡിംഗ് ലിസ്റ്റില് രണ്ടാമതായി തുടരുകയാണ് ട്രെയ്ലര്.
ഏഴ് വര്ഷത്തെ നീണ്ട ഇടവേളക്ക് ശേഷമാണ് സുരേഷ് ഗോപിയും ശോഭനയും വീണ്ടും ഒരുമിച്ച് സ്ക്രീനിലെത്തുന്നത്. ഉര്വശി, കെപിഎസ്സി ലളിത, മേജര് രവി, ലാലു അലക്സ്, ജോണി ആന്റണി എന്നിങ്ങനെ വന് താരനിര തന്നെ ചിത്രത്തില് അണിനിരക്കുന്നുണ്ട്.
ദുല്ഖര് സല്മാന്റെ നിര്മ്മാണ കമ്പനിയായ വേഫെയറര് ഫിലിംസും എം സ്റ്റാര് എന്റര്ടെയ്ന്മെന്റ്സും ചേര്ന്നാണ് നിര്മ്മാണം. ഛായാഗ്രഹണം മുകേഷ് മുരളീധരന്. സംഗീതം അല്ഫോന്സ് ജോസഫ്. എഡിറ്റിംഗ് ടോബി ജോണ്. ചീഫ് അസോസിയേറ്റ് ഡയറക്ടര് ജിതിന് നസീര്. ഫെബ്രുവരി ഏഴിന് ചിത്രം തിയേറ്ററുകളിലെത്തും.