ടൊവിനോ തോമസിനെയും സൗബിന്‍ ഷാഹിറിനെയും പ്രധാന കഥാപാത്രങ്ങളാക്കി ലാൽ ജൂനിയർ സംവിധാനം ചെയ്യുന്ന ഏറ്റവും പുതിയ ചിത്രമാണ് ‘നടികർ തിലകം’ എന്നാൽ ഇപ്പോഴിതാ ചിത്രത്തിന്റെ പേര് മാറ്റിയിരിക്കുകയാണ് അണിയറപ്രവർത്തകർ. ‘നടികർ’ എന്നാണ് പുതിയ പേര്. മെയ് 3 നാണ് ചിത്രം തിയേറ്ററുകളിൽ എത്തുന്നത്.
‘നടികർ തിലകം ശിവാജി സമൂഗ നള പേരവൈ’ എന്ന സംഘടന ചിത്രത്തിന്റെ പേര് മാറ്റാനായി താര സംഘടനയായ അമ്മയ്ക്ക് അപേക്ഷ നൽകിയിരുന്നു. തുടർന്നാണ് നടികർ എന്ന പുതിയ പേരിൽ പോസ്റ്റർ ഇറക്കിയിരിക്കുന്നത്. ഭാവനയാണ് ചിത്രത്തിൽ നായികയായെത്തുന്നത്. സുരേഷ് കൃഷ്ണ, ബാലു വര്‍ഗീസ്, വീണ നന്ദകുമാര്‍ തുടങ്ങിയവരും ചിത്രത്തിന്റെ ഭാഗമാണ്.
ബ്ലോക്ക്ബസ്റ്റര്‍ ചിത്രമായ ഡ്രൈവിംഗ് ലൈസന്‍സിന് ശേഷം ലാല്‍ ജൂനിയര്‍ സംവിധാനം ചെയ്യുന്ന ചിത്രമാണിത്. പുഷ്പ – ദ റൈസ് നിര്‍മ്മിച്ച മൈത്രി മൂവി മേക്കേഴ്സ് ചിത്രത്തിലൂടെ മലയാളത്തിലേക്ക് ചുവടുവെക്കുന്നു.
മൈത്രി മൂവി മേക്കേഴ്‌സിന്റെ വൈ.നവീനും വൈ.രവി ശങ്കറിനോടുമൊപ്പം, അലന്‍ ആന്റണിയും അനൂപ് വേണുഗോപാലും നേതൃത്വം നല്‍കുന്ന ഗോഡ്സ്പീടും ചിത്രത്തിന്റെ നിര്‍മാണ പങ്കാളിയാണ്.
ഭൂപതി കൊറിയോഗ്രഫിയും അരുണ്‍ വര്‍മ്മ സൗണ്ട് ഡിസൈനിങ്ങും കൈകാര്യം ചെയ്യുന്നു. പബ്ലിസിറ്റി ഡിസൈന്‍ ഹെസ്റ്റണ്‍ ലിനോ. സ്റ്റോറീസ് സോഷ്യലിന്റെ ബാനറില്‍ സംഗീത ജനചന്ദ്രനാണ് മാര്‍ക്കറ്റിംഗ് ആന്‍ഡ് കമ്മ്യൂണിക്കേഷന്‍സ് കൈകാര്യം ചെയ്യുന്നത്.