ടൊവിനോ തോമസിനെ നായകനാക്കി ആഷിഖ് അബു സംവിധാനം ചെയ്യുന്ന ‘നാരദന്’ ചിത്രത്തിന്റെ ഫസ്റ്റ്ലുക്കും റിലീസ് തീയതിയും പുറത്ത്. ഒരു കൂട്ടം പഴയ ടെലിവിഷന് സെറ്റുകളില് ഒരു കൊളാഷ് കണക്കെയാണ് നായകന്റെ മുഖം ഫസ്റ്റ് ലുക്ക് പോസ്റ്ററില് കാണാനാവുക. ചിത്രം ജനുവരി 27ന് തിയേറ്ററുകളിലെത്തും.
അന്ന ബെന് ആണ് ചിത്രത്തില് നായിക. ഷറഫുദ്ദീന് മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ഈ വര്ഷം ജനുവരിയില് ആയിരുന്നു ചിത്രത്തിന്റെ ഷൂട്ടിംഗ് ആരംഭിച്ചത്. ഉണ്ണി ആര് രചന നിര്വ്വഹിച്ചിരിക്കുന്ന ചിത്രത്തിന്റെ നിര്മ്മാണം സന്തോഷ് ടി കുരുവിളയും റിമ കല്ലിങ്കലും ആഷിഖ് അബുവും ചേര്ന്നാണ്.
ഛായാഗ്രഹണം ജാഫര് സാദ്ദിഖും സംഗീതം ഡിജെ ശേഖറും ഒരുക്കുന്നു. എഡിറ്റിംഗ് സൈജു ശ്രീധരന്, പ്രൊഡക്ഷന് ഡിസൈനര് ഗോകുല് ദാസ്, സൗണ്ട് ഡിസൈന് ഡാന് ജോസും സൈജു ശ്രീധരനും ചേര്ന്ന്, വസ്ത്രാലങ്കാരം മഷര് ഹംസ, ചീഫ് അസോസിയേറ്റ് ഡയറക്ടര് ബിബിന് രവീന്ദര്.
പിആര്ഒ ആതിര ദില്ജിത്ത്, വിതരണം ഒപിഎം സിനിമാസ്. മായാനദിക്ക് ശേഷം ടൊവിനോ നായകനാവുന്ന ആഷിഖ് അബു ചിത്രമാണിത്. 2019ല് പുറത്തിറങ്ങിയ ആഷിഖ് അബുവിന്റെ വൈറസിലും ടൊവിനോ ഒരു പ്രധാന കഥാപാത്രത്തെ അവതരിപ്പിച്ചിരുന്നു.