ആദ്യ കോവിഡ് തരംഗത്തിന് ശേഷം തിയേറ്ററുകളില് എത്തിയ “ദ പ്രീസ്റ്റ്” ചിത്രം പ്രേക്ഷകര് ഏറ്റെടുത്തിരുന്നു. പാരസൈക്കോളജിയും എക്സോര്സിവും കടന്നുവന്ന ചിത്രത്തില് വിഷ്വല് എഫക്ട്സിന് അതീവ പ്രാധാന്യവും ഉണ്ടായിരുന്നു. ചിത്രത്തിന്റെ വിഎഫ്എക്സ് ബ്രേക്ക്ഡൗണ് വീഡിയോയാണ് ഇപ്പോള് പുറത്തു വിട്ടിരിക്കുന്നത്.
ലവന് പ്രകാശ്, കുശന് പ്രകാശ് (ലവ കുശ- ഡിജിറ്റല് ടര്ബോ മീഡിയ) എന്നിവരാണ് ചിത്രത്തിലെ വിഎഫ്എക്സ് ചെയ്തിരിക്കുന്നത്. അഞ്ച് വര്ഷങ്ങളില് 150ല് ഏറെ സിനിമകള്ക്ക് വിഎഫ്എക്സ് നിര്വ്വഹിച്ചിട്ടുള്ളവരാണ് ഇവര്.
കമ്മട്ടിപ്പാടം, മായാനദി, കള, ട്രാന്സ്, അയ്യപ്പനും കോശിയും എന്നിങ്ങനെ നിരവധി ചിത്രങ്ങള്ക്ക് വിഎഫ്എക്സ് ഒരുക്കിയിട്ടുണ്ട്. കന്നഡ, തമിഴ് ചിത്രങ്ങളിലും ലവ കുശ പ്രവര്ത്തിച്ചിട്ടുണ്ട്. തുറമുഖം, ഭ്രമം, ഡിക്കിലോണ (തമിഴ്) എന്നീ ചിത്രങ്ങളാണ് ഇനി റിലീസ് ചെയ്യാനിരിക്കുന്നത്.
ജോഫിന് ടി. ചാക്കോ സംവിധാനം ചെയ്ത ദ പ്രീസ്റ്റ് മമ്മൂട്ടിയും മഞ്ജു വാര്യരും ആദ്യമായി ഒന്നിക്കുന്ന എന്ന പ്രത്യേകതയോടെയാണ് പുറത്തെത്തിയത്. ശ്യാം പ്രദീപും ദീപു പ്രദീപും ആണ് ചിത്രത്തിന്റെ തിരക്കഥ ഒരുക്കിയത്. ബേബി മോണിക്ക, നിഖില വിമല്, ജഗദീഷ്, വെങ്കിടേഷ്, ജഗദീഷ് തുടങ്ങിയ താരങ്ങള് ചിത്രത്തില് പ്രധാന വേഷത്തിലെത്തി.