തെന്നിന്ത്യന് സൂപ്പര് സ്റ്റാര് സൂര്യയുടെ അടുത്ത ചിത്രം സംവിധാനം ചെയ്യുന്നത് കെ വി ആനന്ദ്. താനാ സേര്ന്ത കൂട്ടത്തിന്റെ തെലുഗ് വേര്ഷനായ ഗാങ്ങിന്റെ പ്രമോഷന് പരിപാടികള്ക്കിടയില് സൂര്യ തന്നെയാണ് മൂന്നാമതൊരു ചിത്രത്തിനായി ഇരുവരും ഒന്നിക്കുന്നെന്ന് വെളിപ്പെടുത്തിയത്.
ഇതോടൊപ്പം തന്നെ സൂര്യ 38 വിക്രം കുമാറിനൊപ്പവും സൂര്യ 39 ഹരിയ്ക്കൊപ്പവുമായിരിക്കുമെന്നും സൂര്യ പറഞ്ഞു. 24 ന്റെ സംവിധായകനാണ് വിക്രം കുമാര്. സിംഗം സീരീസിന്റെ സംവിധായകനാണ് ഹരി. സിങ്കം സീരിസില് ഇനിയും ചിത്രങ്ങളുണ്ടായേക്കും എന്നതാണ് ഇതില്നിന്ന് ലഭിക്കുന്ന സൂചന.
മുന്പ് സൂര്യയെ നായകനാക്കി ആനന്ദ് സംവിധാനം ചെയ്ത അയാന്, മാട്രാന് എന്നീ ചിത്രങ്ങള് സൂപ്പര് ഹിറ്റുകളായിരുന്നു. പുതിയ വാര്ത്ത ആരാധകര്ക്ക് വലിയ സന്തോഷമാണ് നല്കിയിരിക്കുന്നത്. ഇതുമൊരു സൂപ്പര് ഹിറ്റാകുമെന്ന പ്രതീക്ഷയിലാണേവരും. അതിനിടയില് വിഘ്നേഷ് ശിവന്റെ സംവിധാനത്തിലൊരുങ്ങിയ സൂര്യ ചിത്രം താനാ സേര്ന്ത കൂട്ടം ജനുവരി 12ന് തീയേറ്ററുകളിലെത്തും.