സൂര്യയെ നായകനാക്കി സിരുത്തി ശിവ സംവിധാനം ചെയ്യുന്ന ചിത്രം ‘സൂര്യ 42’ന്റെ മോഷന് പോസ്റ്റര് റിലീസ് ചെയ്തു. ഒരു മിനിറ്റും 32 സെക്കന്റും ദൈര്ഘ്യമുള്ള പോസ്റ്റർ പുറത്തുവിട്ടിരിക്കുന്നത്. ത്രിഡിയിൽ ഒരുങ്ങുന്ന ഒരു ബ്രഹ്മാണ്ഡ ചിത്രമാകും ഇതെന്നാം പോസ്റ്റർ നൽകുന്ന സൂചന. പത്ത് ഭാഷകളിലായി ഒരുങ്ങുന്ന പാന് ഇന്ത്യന് ചിത്രമാണ് സൂര്യ 42. സൂര്യയുടെ സിനിമാ കരിയറിലെ 42ാമത് ചിത്രം കൂടിയാണിത്.
ഇതുവരെ പേരിടാത്ത ചിത്രത്തിന്റെ ഷൂട്ടിംഗ് അടുത്തിടെ ആരംഭിച്ചിരുന്നു. അതേസമയം, ചിത്രത്തിൽ ബോളിവുഡ് താരം ദിഷാ പതാനി നായികയായി എത്തുക . ചരിത്രവും ഫാന്റസിയും ചേര്ത്തൊരുക്കുന്ന സിനിമ രണ്ട് ഭാഗങ്ങളായി ഒരുങ്ങുക എന്ന് റിപ്പോര്ട്ടുകളുണ്ട്.
ചിത്രത്തില് സൂര്യ ഇരട്ട വേഷത്തിലെത്തുമെന്ന എന്ന അഭ്യൂഹങ്ങളുണ്ട്. യു വി ക്രിയേഷന്സിന്റെ ബാനറില് വംശി പ്രമോദും സ്റ്റുഡിയോ ഗ്രീനിന്റെ ബാനറില് കെ ഇ ജ്ഞാനവേല്രാജയും ചേര്ന്നാണ് ചിത്രം നിര്മ്മിക്കുന്നത്. ദേവി ശ്രീ പ്രസാദ് ആണ് ആണ് സിനിമയ്ക്കായി സംഗീതം ഒരുക്കുന്നത്. വെട്രി പളനിസാമിയാണ് ഛായാഗ്രഹണം.
ചെന്നൈ, ഗോവ എന്നിവിടങ്ങളിലായാണ് സിനിമയുടെ ചിത്രീകരണം നടക്കുക. ബീച്ച് സിറ്റിയില് ഒരുക്കിയിരിക്കുന്ന സെറ്റിലായിരിക്കും ആദ്യ ഷെഡ്യൂള്. സിരുത്തൈ ശിവയും ആദി നാരായണയും ചേര്ന്നാണ് ചിത്രത്തിനായി തികരക്കഥയൊരുക്കുന്നത്.