ഒരു നീണ്ട ഇടവേളയ്ക്ക് ശേഷം സുരേഷ് ഗോപി അഭിനയിച്ച ആദ്യ ചിത്രമായ വരനെ ആവശ്യമുണ്ട് അണിയറയിലൊരുങ്ങുകയാണ് ഇപ്പോഴിതാ അതിന് പിന്നാലെ സുരേഷ് ഗോപി നായകനായി എത്തുന്ന മാസ്സ് ചിത്രമായ കാവല്‍ ഷൂട്ടിംഗ് ആരംഭിച്ചു കഴിഞ്ഞു. കസബ എന്ന ചിത്രമൊരുക്കി അരങ്ങേറ്റം കുറിച്ച നിതിന്‍ രഞ്ജി പണിക്കര്‍ സംവിധാനം ചെയ്യുന്ന ഈ ചിത്രം നിര്‍മ്മിക്കുന്നത് ഗുഡ് വില്‍ എന്റെര്‍റ്റൈന്മെന്റിന്റെ ബാനറില്‍ ജോബി ജോര്‍ജ് ആണ്.
കാവല്‍ തുടങ്ങുന്ന വിവരം സോഷ്യല്‍ മീഡിയയില്‍ ഇട്ടപ്പോള്‍ കളിയാക്കുന്ന കമന്റുമായി വന്ന ഒരാള്‍ക്ക് സുരേഷ് ഗോപി കൊടുത്ത മാസ്സ് മറുപടിയാണ് സോഷ്യല്‍ മീഡിയയില്‍ വൈറലാവുന്നതു. സന്തോഷ് ടി കെ തേക്കിന്‍ക്കാട്ടില്‍ എന്ന ഒരാള്‍ സുരേഷ് ഗോപിയോട് ചോദിച്ചത് ഈ ചിത്രം പറയുന്നത്, എടപ്പാള്‍ ഓട്ടത്തെ പറ്റിയുള്ള കഥയാണോ സേട്ടാ എന്നാണ്. അതിനു സുരേഷ് ഗോപി കൊടുത്ത മറുപടി അല്ല, വേണ്ടാത്തിടത്തു ആളുകളെ നുഴഞ്ഞു കയറ്റുന്നതിനു എതിരെ കാവല്‍ നില്‍ക്കുന്ന കഥയാ സേട്ടാ എന്നാണ്.
സിനിമയേയും രാഷ്ട്രീയത്തേയും രണ്ടായി കാണണം എന്നും മറ്റുള്ളവര്‍ ആ കമന്റ്‌റ് ഇട്ട സന്തോഷിനെ ഉപദേശിക്കുന്നുണ്ട്.