മകള് അലംകൃതയുടെ പുതിയ നിബന്ധനകളാണ് സുപ്രിയ മേനോന് ഇത്തവണ സോഷ്യല് മീഡിയയില് പങ്കുവെച്ചിരിക്കുന്നത്. പൃഥ്വിരാജിന്റെ പ്രിയപ്പെട്ട അല്ലിയുടെ നിബന്ധനകള് ആരാധകരും ഏറ്റെടുത്തിരിക്കുകയാണ്. ഫോണ് മാറ്റിവെച്ച് തന്നെ ശ്രദ്ധിക്കണം എന്നാണ് അല്ലിയുടെ ഏറ്റവും വലിയ ആവശ്യം.
“”വീട്ടില് ഒപ്പം താമസിക്കണമെങ്കില് മമ്മയ്ക്കും ദാദയ്ക്കും അല്ലിയുടെ വക പുതിയ നിയമങ്ങള്… ഒരു അഞ്ചുവയസ്സുകാരിയുടെ ഭരണം..”” എന്നാണ് കൗതുകപൂര്വം അല്ലിയെഴുതിയ ലിസ്റ്റ് പങ്കുവെച്ച് സുപ്രിയ കുറിച്ചത്. “”ഫോണ് നോക്കരുത്. അങ്ങോട്ടുമിങ്ങോട്ടും നോക്കി ഇരിക്കരുത്. എന്നെ നോക്കണം, കൈയടിക്കണം”” എന്നിങ്ങനെയാണ് അല്ലിയുടെ നിബന്ധനകള്.
അല്ലിയുടെ കുത്തിക്കുറിപ്പുകളും വിശേഷങ്ങളും സുപ്രിയ സോഷ്യല് മീഡിയയില് പങ്കുവെയ്ക്കാറുണ്ട്. അല്ലി മോളുടെ നിയമങ്ങളൊക്കെ പാലിച്ച് നിന്നാല് രണ്ടുപേര്ക്കും വീട്ടില് താമസിക്കാം, അല്ലെങ്കില് വീട്ടില് നിന്നും ഇറക്കിവിടാനുള്ള സാദ്ധ്യതയുണ്ട് എന്നാണ് ആരാധകര് കമന്റുകള് പങ്കുവെയ്ക്കുന്നത്.
https://www.instagram.com/p/CDa-wXbpoaC/
അല്ലി പൃഥ്വിരാജിനായി എഴുതിയ ഫാദേഴ്സ് ഡേ കുറിപ്പും വൈറലായിരുന്നു. തനിക്ക് അഞ്ചു വയസ്സുള്ളപ്പോള് അറിയാമായിരുന്നതിനേക്കാള് മികച്ച ഇംഗ്ലീഷ് ആണ് അല്ലിയുടേതെന്നു പൃഥ്വിരാജ് എടുത്തു പറയുകയും ചെയ്തിരുന്നു.