സൗബിൻ ഷാഹിറിനെ പ്രധാന കഥാപാത്രമാക്കി സക്കരിയ സംവിധാനംചെയ്ത് 2018 ൽ പുറത്തിറങ്ങിയ ചിത്രമായിരുന്നു ‘സുഡാനി ഫ്രം നൈജീരിയ’ നിരവധി പ്രേക്ഷക- നിരൂപക പ്രശംസകളായിരുന്നു ചിത്രത്തിന് അന്ന് കിട്ടിയിരുന്നത്, കൂടാതെ നിരവധി അന്താരാഷ്ട്ര ഫിലിം ഫെസ്റ്റിവലുകളിലും ചിത്രം പ്രദർശിപ്പിക്കുകയുണ്ടായി. സക്കരിയയും മുഹ്സിൻ പാരാരിയും ചേർന്നായിരുന്നു ചിത്രത്തിന് തിരക്കഥയെഴുതിയത്.
സൗബിൻ അവതരിപ്പിച്ച മജീദ് എന്ന കഥാപാത്രത്തോടൊപ്പം പ്രേക്ഷകർ ഏറ്റവും കൂടുതൽ ചർച്ച ചെയ്ത കഥാപാത്രമായിരുന്നു ചിത്രത്തിലെ ‘സുഡാനി’യായി വന്ന സാമുവൽ. ചിത്രത്തിലെ ഗംഭീര പ്രകടനം കൊണ്ട് സാമുവൽ പ്രേക്ഷകരുടെ മനം കവർന്നിരുന്നു.
ഇപ്പോഴിതാ തന്റെ കാമുകി ഇഷാ പാട്രിക്കുമൊത്ത് താജ്മഹൽ കാണാൻ വന്നിരിക്കുകയാണ് സാമുവൽ റോബിൻസൺ. സാമുവൽ തന്നെയാണ് ചിത്രങ്ങൾ സോഷ്യൽ മീഡിയയിൽ പങ്കുവെച്ചിരിക്കുന്നത്.
സുഡാനി ഫ്രം നൈജീരിയ എന്ന ചിത്രത്തിന് ശേഷം ‘ഒരു കരീബിയൻ ഉഡായിപ്പ്’ എന്ന മലയാള ചിത്രത്തിലും സാമുവൽ വേഷമിട്ടിരുന്നു. ‘ഡില്ലി ഡാർക്ക്’ എന്ന ചിത്രത്തിലൂടെ ബോളിവുഡ് അരങ്ങേറ്റത്തിനൊരുങ്ങുകയാണ് ഇപ്പോൾ സാമുവൽ. ഒഡീഷ സ്വദേശിയും അഭിഭാഷകയുമാണ് കാമുകിയായ ഇഷാ പാട്രിക്.