ലിംക ബുക്ക് ഓഫ് റെക്കോഡ്സില് ഇടംനേടി ഫിലിം എഡിറ്റര് ശ്രീകര് പ്രസാദ്. ഏറ്റവുമധികം ഭാഷകളില് സിനിമ എഡിറ്റ് ചെയ്തതിന്റെ റെക്കോഡാണ് ശ്രീകര് പ്രസാദ് സ്വന്തമാക്കിയത്. ഇംഗ്ലീഷ്, ഹിന്ദി, തമിഴ്, തെലുഗു, മലയാളം, കന്നട, പഞ്ചാബി, ബംഗാളി, ഒഡിയ, ആസാമീസ്, നേപ്പാളി, മറാഠി, സിംഹളീസ്, കര്ബി, മിഷിങ്, ബോഡോ, പാങ്ചെന്പ എന്നിങ്ങനെ 17 ഭാഷകളിലുള്ള സിനിമകള്ക്ക് ശ്രീകര് എഡിറ്റിംഗ് നിര്വഹിച്ചിട്ടുണ്ട്.
മികച്ച എഡിറ്റര്ക്കുള്ള ദേശീയ പുരസ്കാരം എട്ടു തവണ സ്വന്തമാക്കിയിട്ടുണ്ട്. മികച്ച എഡിറ്റര്ക്കുള്ള കേരള സംസ്ഥാന അവാര്ഡ് അഞ്ചുതവണ നേടിയിട്ടുണ്ട്. ശ്രീകര് മലയാളത്തില് ഒടുവില് പ്രവര്ത്തിച്ച ചിത്രം റോഷന് ആന്ഡ്രൂസ് ചിത്രം “പ്രതി പൂവന് കോഴി” ആണ്.
“സിംഹ സ്വപ്നം” എന്ന തെലുഗു ചിത്രത്തിലാണ് ശ്രീകര് ആദ്യമായി എഡിറ്റിംഗ് നിര്വഹിച്ചത്. “ആര്ആര്ആര്”, “ഇന്ത്യന് 2”, “പൊന്ന്യന് ശെല്വന്”, “ആടുജീവിതം” എന്നീ ചിത്രങ്ങള്ക്കാണ് 2020-ല് ശ്രീകര് എഡിറ്റിങ് നിര്വഹിക്കുന്നത്.